विराटनगरमा १४ दिनका लागि लकडाउन घोषणा

छाल खवर
धरान,१६ साउन ःसाउन पहिलो साताबाट मुलुकभर लकडाउन अन्त्यको घोषणा गरेपनि कोरोनाको जोखिम हुन थालेपछि स्थानीय क्षेत्रको अवस्था हेरेर पुर्न लकडाउन शुरु हुन थालेको छ ।

समुदायमा कोरोना फैलिएको आशंका हुन थालेपछि विराटनगर महानगरपालिकाले १४ दिनका लागि शुक्रवार लकडाउन घोषणा गरेको छ ।

महानगरपालिकाकी उपमेयर इन्दीरा कार्कीका अनुसार कोरोना सँक्रमणको जोखिम उच्च रहेको भन्दै यसलाइ नियन्त्रण गर्न लकडाउन मात्र विकल्प रहेको ठहर गर्दै लकडाउन शुरु गरीएको हो ।

विराटनगरमा पछिल्लो समय समुदायस्तरमा नै संक्रमण फैलिएको आशंका गरिएको छ । ट्राभल हिष्ट्री नभएका व्यक्तिहरुलाई पनि संक्रमण पुष्टि भइरहेको छ । विराटनगर महानगरपालिकाभित्र मात्रै संक्रमितको संख्या १०९ पुगेको छ ।

सामाजिक विकास मन्त्री जीवन घिमिरेको अध्यक्षतामा वसेको वैठकले लकडाउन गर्ने निर्णय गरेको थियो । सोही निर्णयपछि विराटनगर महानगरले लकडाउन घोषणा गर्ने निर्णय गरेको हो ।

जोगवनि नाकासंग जोडिएको क्षेत्र भएकोले भारतबाट कोरानो भित्रिने भएकोले विराटनगरलाई लकडाउन गर्नुपर्ने वाध्यता भएको वुझिएको छ ।