भोलि देखि बीपीमा अनिश्चितकालिन ओपिडी सेवा बन्द

छाल खवर
साउन,२७ धरानः अस्पताल मै कोरोनाको संक्रमण फैलिन थालेको भन्दै बीपी कोइराला स्वास्थ्य विज्ञान प्रतिष्ठानले भोलीबाट अर्को सूचना जारी नभएसम्म ओपिडी सेवा वन्द गर्ने भएको छ ।

प्रतिष्ठानले मंगलवार सूचना जारी गरी कोरोना भाइरसको सङ्क्रमण फैलिरहेको कारण स्थानीय सरकारले समेत ७ दिन पूर्वरूपमा बन्द गरेको अवस्था र प्रतिष्ठान परिसर भित्र समेत कोरोना सङ्क्रमण देखिएकोले सङ्क्रमणलाई फैलन नदिन र रोकथाम तथा नियन्त्रणको लागि प्रतिष्ठानको ओपिडी सेवा साउन २८ गते देखि अर्को सूचना नहुन्जेलसम्म पूर्वरूपमा बन्द रहने जनाएको छ ।

प्रतिष्ठानमा ओपिडीमा उपचारका लागि आउने र त्यही भित्रका चिकित्सकहरूमा कोरोना सङ्क्रमण भइरहेकोले यस्तो निर्णय गर्नुपरेको प्रतिष्ठानले जनाएको छ ।

प्रतिष्ठानमा कार्यरत डाक्टर उनको परिवारलााई समेत संक्रमण फैलिएको थियो । समुदायस्तरमा नै संक्रमण फैलिएको भन्दै स्थानीय सरकारले समेत लकडाउन शुरु गरेको छ ।