आज(सोमवार) मात्र धरानमा १३ जनामा कोरोना सङ्क्रमण

छाल खवर

धरान,१ भाद्रः धरानमा सोमवार १३ जनामा कोरोना सङ्क्रमण पुष्टि भएको छ ।

बीपी प्रतिष्ठानमा कार्यरत कोरोना संक्रमित नर्सको परिवारका ४ जना सहित सो संख्यामा संक्रमित भएको जनाईएको छ ।

बीपी प्रतिष्ठानमा कार्यरत धरान –१६ निवासी नर्सको परिवारका ४ जना सहित धरान १८ का २ जना ३० वर्षीय पुरुष, २७ वर्षीय महिला, धरान १९ को १ जना ३९ वर्षीय पुरुष, धरान १५ का २ जना १९ र ३९ वर्षीय महिला, धरान १७ का १ जना ३९ वर्षीय महिला स्वास्थ्यकर्मी रहेको बताइएको छ ।

धरान ९ का १ जना २४ वर्षीय महिला, धरान १० का २ जना ५० र ७७ वर्षीय महिला रहेको धरान उपमहानगरपालिकाका स्वास्थ्य महाशाखा प्रमुख उमेश मेहेताले जानकारी दिएका छन् ।यो सँगै धरानमा कोरोना सङ्क्रमितहरूको कुल सङ्ख्या ८९ पुगेको छ ।

स्वाव परिक्षण भईरहेकोले सङ्क्रमितहरूको पूर्ण विवरण भने आउन वाकी नै रहेको वताईको छ ।पछिल्लो समय धरानमा समुदायस्तरमा नैे संक्रमण बृद्धि हुदै गएको छ ।