धरानमा कोरोना संक्रमित दिन प्रतिदिन फेला पर्र्दै आज नर्ससहित ५ जनामा कोरोना संक्रमण

छाल खवर
धरान,५ भदौं ः धरानमा दिनप्रतिदिन कोरोना संक्रमितको संख्या बढन गएको छ ।

शुक्रवार मात्र वीपी कोइराला स्वास्थ्य विज्ञान प्रतिष्ठान धरानकी एक स्टाफ नर्ससहित ५ जनामा कोरोना संक्रमण पुष्टि भएको छ ।

धरान १५ पुष्पाञ्जली मार्गकी ती स्टाप नर्स प्रतिष्ठानको गाइनो इर्मजेन्सीमा कार्यरत थिइन । गाइनोमा अन्य नर्सहरुमा कोरोना पाजेटिभ देखिएपछि कन्ट्याकङ ट्रेसिङको आधारमा स्वाब परीक्षण गरिएको थियो । प्रतिष्ठानका प्रवक्ता डा.निदेश सापकोटाले नर्समा कोरोना संक्रमित भएको पुष्टि गरेकाछन् ।

कोभिड अस्पतालमा राखिएका मोरङ विराटनगरका व्यक्तिमा पनि कोरोना संक्रमण पुष्टि भएको छ भने सजरीको स्टेण्ट निकाल्न आएका सिरहाका एक व्यक्तिका पनि पिसिआर पोजेटिभ देखिएको छ ।

धरान उपमहानगरपालिकाका स्वास्थ्य महाशाखा प्रमुख उमेश मेहताले नर्स होम आइसोलेसनमा रहेको र उनको इच्छा अनुसार नै वीपी प्रतिष्ठान लगिनेछ बताउनुभयो ।