बीपीमा उपचाररत ८ जनामा कोरोना सङ्क्रमण

छाल खवर
धरान,८ भदौ ः धरान स्थित बीपी कोइराला स्वास्थ्य विज्ञान प्रतिष्ठानमा दैनिक रुपमा कोरोना संक्रमित भेटीन थालेकाछन् ।

सोमवारमात्र बीपी कोइराला स्वास्थ्य विज्ञान प्रतिष्ठान धरानमा उपचारका लागि आएका ८ जना बिरामीमा कोरोना सङ्क्रमण पुष्टि भएको छ ।

आइसियुमा उपचाररत १ जना, मेडिसिन वार्डमा उपचाररत ३ जना, सर्जरीमा उपचाररत १ जना र कोभिड १९ अस्पतालमा कोरोना आशङ्का गरी भर्ना भएका ३ जना गरी ८ जनामा कोरोना सङ्क्रमण पुष्टि भएको बीपी कोइराला स्वास्थ्य विज्ञान प्रतिष्ठान धरानका प्रवक्ता डा. निदेश सापकोटाले जानकारी दिएकाछन् ।

१ जना पुरुष प्रदेश १ को रहेको अरु ७ जना प्रदेश २ को सिराहाका ३ जना, सप्तरीका ३ जना र धनुषाका १ जना रहेको र उनीहरूको उमेर समूह २० वर्ष देखि ८० वर्षका सबै पुरुष रहेको प्रतिष्ठानका सह प्रवक्ता डा आशिष् श्रेष्ठले जानकारी दिएका छन् ।

श्रेष्ठका अनुसार उनीहरु सवैलाई कोविड १९ अस्पतालमा राखिएको छ ।पछिल्लो समय प्रतिष्ठानमा संक्रमितको संख्या वृद्धि हुनुका साथै दैनिक जस्तो मृत्यु समेत हुन थालेको छ ।