कोरोना संक्रमित महिलाको डेलिभरी, आमा र बच्चा दुवैको अवस्था सामान्य

छाल खवर
धरान,८भदौ ःएक कोरोना संक्रमित महिलाले सोमवार सकुशल बच्चा जन्माएकीछिन ।

वीपी कोइराला स्वास्थ्य विज्ञान प्रतिष्ठान धरानको कोभिड १९ अस्पतालमा रहेकी ती युवतिले वच्चा जन्माएकी हुन् ।
वेलुकी ६ बजे विराटनगर २, मोरङकी २० बर्षीया महिलाले छोरी जन्माएकी हुन् ।

आमा र बच्चा दुवैको स्वास्थ्य सामान्य रहेको प्रतिष्ठानका प्रवक्ता डा.निदेश सापकोटाले जानकारी दिए ।उनका अनुसार बच्चाको तौल २.८ केजी रहेको र दुवैको स्वास्थ्य एकदमै राम्रो छ । प्रतिष्ठानमा कोरोना संक्रमित महिला डेलिभरी भएको यो पहिलो हो ।

गर्भवती महिलाले नर्मल डेलिभरीमार्फत नै बच्चा जन्म दिएकी हुन् । उनलाई भदौ ७ गते प्रतिष्ठानमा भर्ना भएको थियो ।