वीपी प्रतिष्ठानमा ९ जना कोरोना संक्रमण पुष्टि

छाल खवर
धरान,१२ भदौ ः बीपी कोइराला स्वास्थ्य विज्ञान प्रतिष्ठान धरानमा शुक्रवार ९ जना कोरोना संक्रमित पुष्टि भएको छ

प्रतिष्ठानले दिएको जानकारी अनुसार एक जना नर्स र एन्फा क्वारेनटाइनमा खटिएका दुई जना नेपाली सेना सहित ९ जनामा कोरोना सङ्क्रमण पुष्टि भएको छ ।

धरान उपमहानगरपालिकाका स्वास्थ्य महाशाखाका प्रमुख उमेश मेहेताका अनुसार संक्रमित हुनेहरुमा धरान १७ को एन्फा क्वारेनटाइनमा खटिएका ३४ र २७ वर्षीय पुरुष नेपाली सेना र बीपी कोइराला स्वास्थ्य विज्ञान प्रतिष्ठान धरानको इमरजेन्सी वार्डमा कार्यरत २५ बर्षीया नर्स, सर्जरी वार्डमा कार्यरत हेल्थ एडको १९ बर्षीया छोरी, धरान १७ का थप ५ जनाको कनट्र्याक्ट ट्रेसिङका ५९ बर्षीया महिला, ३३ बर्षीया महिला, ३१ बर्षीया महिला र २९ वर्षीय २ जना पुरुष गरी जम्मा ९ जना रहेकाछन् ।

धरानमा शुक्रवारसम्ममा कोरोना सङ्क्रमितको सङ्ख्या १ सय ३४ पुगेको छ भने मृत्यु हुनेको संख्या ३ पुगेको छ । धरानमा तुलनामा संक्रमितहरु दैनिक रुपमा देखिन थालेको छ ।

समुदायस्तरमा नै कोरोना फैलिएको भन्दै न्यूनिकरणका लागि स्थानीय निकायले साउन २२ गतेदेखि लकडाउन गर्दै आएको छ ।