कोरोना सङ्क्रमित आमा छोराको मृत्यु

धरान,१४ भदौ ः धरान स्थित बीपी कोइराला स्वास्थ्य विज्ञान प्रतिष्ठानमा एकै परिवारका २ जनाको मृत्यु भएको छ ।
मृत्यु हुनेमा धरान–१७ का दुई जना सङ्क्रमित रहेकाछन् ।

प्रतिष्ठानका प्रवक्ता डा. निदेश सापकोटाका अनुसार मृत्यु हुनेमा धरान १७ का ७४ वर्षीया महिला र ६० वर्षीया पुरुषको आइतबार मृत्यु भएको हो ।

धरान १७ का वडा अध्यक्ष सुर्यबहादुर भट्टराईका अनुसार मृतक आमा छोरा हुन् ।

एक साता अगाडिबाट अत्यधिक खोकी, श्वास फेर्न समस्या र ज्वरोले ग्रस्त महिलालाई भदौ १३ गते (शनिबार) साँझ अस्पताल भर्ना गरिएको थियो ।

स्वाब सङ्कलन गरी पीसीआर परीक्षण गर्दा आइतबार कोरोना पोजिटिभ देखिएको थियो ।

प्रवक्ता सापकोटाका अनुसार पुरुषमा विगत दुई महिनादेखि कलेजोमा समस्या देखिएको थियो । उहाँको आइतबार बिहान ७ः ४५ बजे मृत्यु भएको हो ।

आमा छोराको करिव १ घण्टाको फरकमा मृत्यु भएको थियो ।