महासंघमा एक्लिन अध्यक्ष राणा अख्तियारमा पनि अनियमितताको उजुरी

छाल खवर
काठमाडौ,१५ भदौ ः दुवै पूर्व सहयोगीहरुले साथ दिन छाडेपछि नेपाल उद्योग बाणिज्य महासंघकी अध्यक्ष भवानी राणा एक्लिएकी छन् ।

अध्यक्ष वनाउनका लागि दिलो ज्यान दिएर लागि परेका पूर्व सहयोगीहरुको साथ छोडदै वरिष्ठ उपाध्यक्ष शेखर गोल्छा समूहसंग .नजिकिएपनि सो समूहले समेत साथ छोडेपछि उनी एक्लिएकि हुन् ।

अध्यक्ष राणा केही महिना अघि देखि पूर्बसहयोगीहरुलाई छोड्दै बरिष्ठ उपाध्यक्ष शेखर गोल्छा समुहसंग नजिकिएकी थिइन तर सो समुहसंग पनि सम्वन्ध विग्रिदै गएपछि उनी एक्लो बन्न पुगेकी छिन् ।

महासंघमा उनलाई अध्यक्षमा जिताउने मात्र नभई कार्यकालभरी नै काँध थाप्ने पूर्बअध्यक्ष चण्डिराज ढकाल तथा उपाध्यक्ष चन्द्र ढकालपक्षलाई वाईपास गर्दै गोल्छा समुहसंग नजिकिएकी थिइन ।

राणाले महासंघमा गरेको आर्थिक अनियमिततको वोझ आफु अध्यक्ष भएपछि वोक्नुपर्ने अवस्था देखिएपछि गोल्छा समूहपनि अलग्गीदै गएको महासंघ स्रोतले जनाएको छ । महासंघको विधानमा वरिष्ठ उपाध्यक्ष नै अध्यक्ष हुने व्यवस्था रहेको छ ।

हाल वरिष्ठ उपाध्यक्ष गोल्छ अवको निर्वाचन पछि स्वत अध्यक्ष हुदैछन् ।
उनको कार्यकालको समयको आर्थिक कारोवारको विषयमा अनियमिताको भएको भन्दै अख्तियारमा समेत उजुरी परेको छ ।

राणाले ढकाल समुहलाई छोड्नु नै उनको लागि अफावसिद्ध भएको जिल्ला नगरका सदस्यहरु बताउँछन् ।
राणा यतिवेला गुट मात्र परिवर्तन नभई पूर्वसहयोगीहरुको व्यक्तिगत देखि सुनियोजित भ्रमहरु फैलाउन समेत पछि नपरेको एक स्थायी समिति सदस्यको भनाई रहेको छ ।

अध्यक्ष राणालाई अब ढकाल पक्षमा फेरी फर्कन समेत करिव करिव ढोका नै बन्द भएको स्रोतको दावी रहेको छ ।
विधान त राणको कार्यकाल समाप्त भएको छ । तर कोरोनाको महामारीका कारण महासंघको निर्वाचन हुन सकेको छैन ।

महासंघको निर्वाचन २०७६ साल चैत २८ साधारण सभार र २९ गते निर्वाचनको तयारी रहेको थियो । तर चैत ११ गतेदेखि कोरोनाको कारण मुलुकभर नै लकडाउन भएपछि निर्वाचन स्थगित भएको थियो । दोस्रो पटक २०७७ साउन २६ र २७ गते दोस्रो चरणको मिति घोषणा गरेको थियो । सो समयमा पनि लकडाउन भएकोले निर्वाचन अनिश्चित वनेको छ ।

निर्वाचनको मोडालिटी तयार गर्नको लागि ६ सदस्यीय सुझाव समिति समेत गठन गरीएको थियो । सो समितिले तयार पारेको सुझावका आधारमा निर्वाचन तय गर्ने निर्णय भएको छ ।

वर्तमान अवस्थामा उद्योग ब्यवशाय दिनप्रतिदिन धराशायी वन्दै गइरहेको अवस्थामा व्यवसायीहरुको एकमात्र धरोहरको रुपमा रहेको उद्योग वाणिज्य महासंघको नेतृत्वको कमजोरीका कारण नीजि क्षेत्रका तमाम् मुद्धाहरु अलपत्र परेका मात्र छैनन् । व्यवासायीहरु समेत निराश वनेकाछन् ।

आगामी कार्यकालका लागि हालका उपाध्यक्षहरु चन्द्र ढकाल समूह र किशोर प्रधानको समूह चुनावी मैदानका उत्रिएको छ । निर्वाचन सम्पन्न भएको अवस्थामा महासंघको नया कार्यसमिति निर्वाचित हुनेछ ।