चलचित्रकर्मी महासंघ प्रदेश नं १ द्धारा सुरेश गन्धर्वलाई सहयोग

छाल खवर
लोक गायक सुरेश गन्धर्वलाई उपचार सहयोगका लागि नेपाल चलचित्रकर्मी महासंघ प्रदेश नं १ ले आर्थिक सहयोग गरेको छ ।

प्रदेश नं १ ले गन्धर्वका लागि संकलित सहयोग वक्समा जम्मा भएको रकम १३हजार , समाजसेवी मिना सिंगक मार्फत दिप्लक सुब्बाबाट २० हजार , किशोर पन्धाक र सीता तुम्बापोबाट २०हजार, संतोष लिम्बू तिल्लिङबाट ५,हजार ५ सय गरि ५८ हजार ५ सय रुपैया बिपि स्वस्थ्य बिज्ञान प्रतिष्ठानमा उपचार गराई रहेका सुरेश गन्धर्व लाई प्रदान गरिएको महासंघका अध्यक्ष अरुण प्रधानले जानकारी दिए ।

महासंघका अध्यक्ष अरुण प्रधानले हाम्रो दैनिक जीवन भन्दा पनि फरक जीवन अरु कसैको हुन सक्छ र त्यो फरक जीवन बुझ्नको लागि पनि हामिले यस्ता आश्रममा गएर त्याहा रहेका व्यक्तिहरुको बारेमा बुझ्नु जरुरी रहेको बताए ।

हामिले त्यो जीवन बारे बुझाउनको लागिनै आज यस स्थानमा कार्यक्रम गरेका हौ । आगामी दिनमा बर्थडे , एनिभर्सरी जस्ता घरमा आयोजना गरिने कार्यक्रम यस्ता आश्रममा गएर मनाउदै यस्ता पिडितहरुको सेवा गर्नको लागि सम्पुर्ण चलचित्रकर्मी हरुलाई आग्रह समेत गरेका थिए ।

अध्यक्ष प्रधानले आगामी २०७८ बैशाखमा महासंघले आयोजना गर्न लागेको प्रदेश १ स्तरिय चलचित्र महोत्सवको बारेमा पनि जानकारी गराएका थिए ।