चिरञ्जीवी बचतको कारोवार १ अर्व भन्दा माथि साधारण सभामा ३९ जना सम्मानीत

छाल खवर
धरान,१३ पुष ः चिरञ्जीवी बचत तथा ऋण सहकारी संस्था लिमिटेडले एक आर्थिक वर्षमा १ अर्व भन्दा माथिको वार्षिक कारोवार गरेको छ ।

संस्थाले प्रस्तुत गरेको ९ औँ वार्षिक साधारणसभामा सो कारोवारको विवरण प्रस्तुत गरीएको हो ।

कार्यक्रममा संस्थाका अध्यक्ष खेम बहादुर माझिद्धारा प्रस्तुत प्रतिवेदनमा आ.व.२०७६ र ७७ मा संस्थाले १ अर्ब ६ करोड ५८ लाख ९५ हजार १ सय ८५ रुपैयाँ ६९ पैसाको कारोबार गरेको बताएका थिए ।

धरान–१३ स्थित आफ्नै सभाहलमा सभाहलमा आयोजना गरीएको सो कार्यक्रममा उत्कृष्ट आवधिक बचतकर्ता १२ जना, उत्कृष्ट बचतकर्ता १५ जना, उत्कृष्ट ऋणी ४ जना , उत्कृष्ट बाल बचतकर्ता ६ जना , उत्कृष्ट मुद्धति बचतकर्ता १ जना , उत्कृष्ट शेयर सदस्य १ जनालाई सम्मान पत्रले सम्मान गरिएको थियो ।

संस्थामा हाल शेयर पुँजी ५४ लाख ६४ हजार ८ सय ४४ रूपैयाँ रहेको र संस्थाले यस आर्थिक वर्षमा १ अर्ब ५ करोड ८४ लाख ५७ हजार २२ रुपैयाँ कुल निक्षेप संकलन गर्न सफल भएको संस्थाका व्यवस्थापक साजन श्रेष्ठले जानकारी दिएकाछन् ।

संस्थाले वित्तिय कारोवारका साथै सामाजिक कार्यहरु पनि गर्दै आएको र आगामी दिनहरुमा पनि यस्ता सामाजिक कार्यहरुलाई निरन्तरता दिने संस्थाका अध्यक्ष खेमबहादुर माझीले वताए । माझीले संस्थाले शेयर पूँजी वृद्धि गर्दै जाने लक्ष्य लिएको वताए ।

कार्यक्रमका प्रमुख अतिथि धरान १३ का वडाध्यक्ष नेत्रप्रसाद काफ्लेले ने उल्लेख गरेका थिए । समाजमा छरीएर रहेका पूँजीहरुलाई संगठित गर्दै समाजमा आर्थिक परिवर्तनको लागि सहकारीले .महत्वपूर्ण योगदान पुर्याउन सफल भएको उल्लेख गरेका थिए । साना व्यवासायीहरुको आर्थिक वृद्धिका लागि सहकारी कोसेढुड.गा सावित हुने समेत काफ्लेको दावी रहेको थियो ।

काफ्लेले कोमामा पुगेको सहकारीलाई मृत रुप दिएर उदाहरणीय कारोवार गरेर देखाएको भन्दै प्रसंशा गरेका थिए । छोटो समयमा सहकारीले निकै ठूलो कारोवार गर्न सफल भएको छ ।

कार्यक्रममा पंखवति बचत तथा ऋण सहकारी संस्था लिमिटेड बराहक्षेत्रका अध्यक्ष गणेश गिरी,उपाध्यक्ष अशोक साह,व्यवस्थापक चक्रबहादुर राई,नेशनल लाइफ इन्स्योरेन्स कम्पनी धरान शाखाका प्रमुख हरीप्रसाद खतिवडा लगाएको उपस्थिति रहेको थियो ।

कार्यक्रमको सञ्चालन संस्थाकी सञ्चालक सदस्य दिपा राईले गरेकीथिइन् ।