होटल रेष्टुरेन्टलाई स्तरोन्नतिका लागि दुइ दिने तालिम

छाल खवर
धरान,२१ पुष ः खाद्य प्रविधि तथा गुण नियन्त्रण डिभिजन कार्यालय इनरुवाको आयोजना तथा सुनसरी उद्योग वाणिज्य संघको सह आयोजनामा होम स्टे तथा होटल रेष्टुरेन्ट क्यान्टीन सञ्चालकहरुलाई खाद्य स्वच्छता सम्वन्धि दुइदिने तालिम सम्पन्न भएको छ ।

धरानमा आयोजना गरीएको सो कार्यक्रममा धरानका ३७ जना होटल सञ्चालकहरु सहभागी रहेको सुनसरी उद्योग वाणिज्य संघका कार्यसमिति सदस्य रामस्वरुप शर्माले वताए ।

तालिममा कार्यालय प्रमुख काशीनाथ घिमिरेले होटल रेष्टुरेन्टको समास्या समाधान र स्तरउन्नतीका लागि खाद्य स्वच्छताको महत्वको विषयमा जानकारी दिएका थिए ।
स्वच्छ र सफा भएको खण्डमा ग्राहकको आर्कषण हुने भएकोले व्यवसाय सञ्चालनमा सफलता मिल्ने समेत उल्लेख गर्नुभयो ।

उक्त तालिममा केन्द्रीय प्रविधि क्याम्पस हात्तिसारकी प्राध्यापक बविता अधिकारी,होटलमेनेजमेन्ट कलेज धरान १६ का प्राध्यापक गगन श्रेष्ठ लगायतले तालिममा प्रशिक्षण दिएकाथिए ।
तालिममा सहभागीहरुलाई सुनसरी उद्योग वाणिज्य संघका महासचिव राजेश अग्रवालले स्वागत गरेका थिए भने कार्यसमिति सदस्य रामस्वरुप शर्माले धन्यवाद ज्ञापन गरेका थिए ।
होटल तथा रेष्टुरेन्टहरुलाई यस्ता तालिमहरुले स्तरउन्नती गर्नका लागि थप सहयोग पुग्ने अपेक्षा गरीएको छ ।
।