सुनसरीमा एकसाताको लागि निषेधाज्ञा जारी

छाल खवर
धरान,१६ वैशाख ः जिल्ला प्रशासन कार्यालय सुनसरीले एकसाताका लागि निषेधाज्ञा जारी गरेको छ ।

कार्यालयले शुक्रवार राती १२ बजेपछिबाट लागु हुने गरी निषेधाज्ञा जारी गरेको हो ।

जिल्लामा कोरोना संक्रमण र मृत्यू दरमा वृद्धि हुन थालेपछि त्यसलाई नियन्त्रण गर्न प्रशासनले एक साताको लागि निषेधाज्ञाको आदेश जारी गरेको प्रशासनले जनाएको छ ।

जिल्ला प्रशासन कार्यालयले बिहीबार त्यस्तो आदेश जारी गरेको हो ।

जिल्ला प्रशासन कार्यालय सुनसरीमा बसेको स्थानीय तहका प्रमुखहरुसहितको जिल्ला कोभिड १९ संकट ब्यवस्थापन केन्द्रको बैठकपछि प्रशासनले निषेधाज्ञा जारी गरेको हो ।

प्रशासन कार्यालयका अनुसार निषेधाज्ञा आगामि २४ गते राती बाह्र बजेसम्म कायम रहनेछ ।

निषेधाज्ञाको अवधीमा पनि संक्रमणको दर नियन्त्रणमा नआए आवश्यकता हेरेर फेरि यसलाई निरन्तरता दिने वा नदिने भन्ने विषयमा ठोस निर्णय लिईने प्रशासनले जनाएको छ ।