सुनसरीमा निषेधाज्ञाको समय वैशाख ३१ गतेसम्म थप यातायात क्षेत्रको जोरविजोर प्रणाली समेत हट्यो ।

छाल खवर
धरान,२० वैशाख ः जिल्ला भित्रमा कोरोना संक्रमितको संख्या दैनिक बढ्दै जानथालेपछि जिल्ला प्रशासन कार्यालय सुनरीले मंगलवारबाट पूर्ण निषेधाज्ञा जारी गरेको छ ।

जिल्ला प्रशासन कार्यलयले मंगलवार सूचना जारी गरी आजका मितिबाट बैशाख ३१ गते सम्मकालागी पूर्ण निषेधाज्ञा जारी गरेको हो ।

प्रशासन कार्यालयले यस अघि जारी गरेको यातायात सञ्चालनको जोर बिजोर प्रणालि सेवा पूर्ण रूपमा बन्द गर्ने भएको छ ।

यस अघि भएको वैठकले ११ वजेसम्म संञ्चालन गर्न दिएको खाद्यान्न लगायत अत्यावश्यक बस्तुका पसलहरू संञ्चालन गर्ने समयअवधी १ घण्टा घटाएर १० बजे सम्म मात्र संञ्चालन गर्न दिने निर्णय भएको कार्यालयले जनाएको छ ।

बैठकले अत्यावश्यक काम बाहेक अन्य अवस्थामा हिडडुल गर्न समेत रोक लगाइएको जनाएको छ ।