भोलीबाट विजयपुर अस्पतालमा कोविडको उपचार शुरु हुदै

छाल खवर
धरान,५ जेठ ः धरानको एकमात्र नीजिस्तरको अस्पतालको रुपमा रहेको विजयपुर हस्पिटलले २० बेडको क्षमताको कोभिड अस्पताल सञ्चालन गर्ने भएको छ ।

भोलीबाट सञ्चालन गर्न अन्तिम तयारी भएको अस्पताल प्रशासनले जनाएको छ ।

नेपाल सरकारले प्रत्येक अस्पताललाई कोविड अस्पताल वनाउन निर्देशन दिएको थियो । सोही अनुसार २० बेडको कोभिड अस्पताल सञ्चालन गर्न लागिएको हो ।

विजयपुर हस्पिटलमा २० बेडको कोभिड अस्पताल सञ्चालनमा ल्याउने तयारी पुरा भएकोले भोलीबाट सञ्चालनमा ल्याउन लागिएको धरान उपमहानगरका स्वास्थ्य महशाखा प्रमुख उमेश मेहताले जानकारी दिए ।

उनका अनुसार उपमहानगरपालिकाले सामाजिक विकास मन्त्रालयमा सहयोग तथा समन्वय गर्नेछ ।

विजयपुर हस्पिटलका अस्पताल निर्देशक प्रभाव खतिवडाले विहीबारदेखि २० बेडको कोभिड अस्पताल सञ्चालन हुने जानकारी दिए ।