कोरोना सङ्क्रमणका कारण पत्रकार न्यौपानेको निधन

छाल खवर
धरान,१३ जेठ ःकोरोना सङ्क्रमणका कारण रेडियो सञ्चालकहरुको सङ्गठन ब्रोडकास्टिङ एसोसिएसन अफ नेपाल (बान) का अध्यक्ष चन्द्र न्यौपानेको निधन भएको छ ।

विराट मेडिकल कलेजमा उपचारका क्रममा शुक्रबार बिहान ५० वर्षीय न्यौपानेको मृत्यु भएको हो ।

न्यौपाने सप्तकोसी एफएमका स्टेशन म्यानेजर पनि हुन् । कोरोना सङ्क्रमण पुष्टि भएपछि न्यौपानेलाई बैशाख २८ गते बेलुका विराटमा भर्ना गरिएका थियो ।

अवस्था जटिल भएपछि भेण्टीलेटरमा राखेर उनको उपचार गरिदै आएको थियो । शुक्रबार बिहान साढे ८ बजे न्यौपानेको निधन भएको विराट मेडिकल कलेजका कोभिड फोकल पर्सन सुनिल देवले जानकारी दिएकाछन् ।