बुधबारदेखि सेवा छाड्ने बीपीका चिकित्सकहरुको चेतावनी

छाल खवर
धरान,१६ साउन ः बिपी कोइराला स्वास्थ्य विज्ञान प्रतिष्ठानको बेथिती सुधारका लागि आन्दोलनरत संयुक्त संघर्ष समितिले बुधबारदेखि सेवा वन्द गर्ने चेतावनि दिएको छ ।

र्संघर्ष समितिले धरानको वुधवार आन्दोलनको कार्यक्रम सार्वजनिक गर्दै अस्पतालको सेवा बन्द गर्ने चेतावनी दिएको हो ।

उनीहरुले बुधबार भित्र पनि प्रतिष्ठानको समस्या समाधान नगरे प्रतिष्ठानको सेवामा हाजिर नहुने जानकारी गराएकाछन् ।

शुक्रबार आन्दोलन गरेको ४७ औं दिन पुग्दा यहाँको समस्या सदनदेखि सडकसम्म पुग्यो तर समाधानका लागि भने हालसम्म कतै पहलकदमी नभएको उनीहरुको भनाई रहेको छ ।

सरकार चुप लागेर बसेकै कारण आन्दोलनरत चिकित्सकहरु ७२ घण्टे अल्टिमेटम दिदैं सुधार्न चेतावनी दिएका हुन ।

सो अवधिमा पनि माग पुरा नभए आकस्मिक सेवा लगायत कोविड अस्पतालको समेत सेवा छोडने थप चेतावनि दिएकाछन् ।

आन्दोलनबाट हुने क्षतिको सवै जिम्मेवारी स्वयम सरकार र प्रतिष्ठानका पदाधिकारीहरुले लिनुपर्ने र्संघर्ष समितिका सदस्य अमृत जैशीले चेतावनि दिएकाछन् ।