बिद्युत प्राधिकरणको ३६ औँ स्थापना दिवसको अवसरमा धरानमा मैत्रीपूर्ण फुटसल प्रतियोगिता सम्पन्न

छाल खवर
धरान,२९ साउन ः नेपाल बिद्युत प्राधिकरणको ३६ औँ स्थापना दिवसको अवसरमा शुक्रवार धरानमा प्राधिकरणको धरान वितरण केन्द्र र नेपाल पत्रकार महासंघ सुनसरीबीच मैत्रीपूर्ण फुटसल सम्पन्न भएको छ ।

मैत्रीपूर्ण फुटसल प्रतियोगितामा नेपाल पत्रकार महासंघ सुनसरी १३(६ को गोल अन्तरले बिजयी बन्न सफल भएको छ ।

खेलमा नेपाल पत्रकार महासंघ सुनसरीको कप्तान विकास चाम्लिङ राई रहेका थिए भने प्राधिकरणको कप्तान नेपाल बिद्युत प्राधिकरण धरान वितरण केन्द्रका प्रमुख प्रताप बराल रहेका थिए ।

प्राधिकरणको धरान वितरण केन्द्र प्रमुख बरालको अध्यक्षतामा सम्पन्न भएको उक्त प्रतियोगिताको उद्घाटन समारोहको प्रमुख अतिथि नेपाल पत्रकार महासंघ सुनसरिका अध्यक्ष जनकऋषि राई रहेका थिए ।