पुलिस स्कुलमा १५ औँ अन्डर ८ फुटबल प्रतियोगिता सुरु

धरान
छाल खवर
धरान,११ मंसिर ः खेलकुद क्षेत्रमा अग्रणी रहेको धरानस्थित नेपाल पुलिस स्कुलमा १५ औँ अन्डर ८ फुटबल प्रतियोगिता सुरु भएको छ ।

कक्षा ९ ले आयोजना गरेको सो प्रतियोगितामा कक्षा चारदेखि कक्षा आठसम्म अध्ययनरत इच्छुक विद्यार्थीहरु प्रतियोगितामा सहभागी भएकाछन् ।

स्कुलका फुटबल प्रशिक्षक सागर कार्कीका अनुसार कक्षा ९ का विद्यार्थीहरुलाई कुनै पनि कार्यक्रम तथा प्रतियोगिता सफलताका साथ आयोजना गर्न सिकाउने उदेश्यले हरेक वर्ष यो प्रतियोगिता आयोजना गरीदै आएको हो ।

प्रतियोगिताबाट स्कुल फुटबल टिमका लागि उत्कृष्ट खेलाडी छनोट गर्ने पनि बताए ।

विद्यार्थीहरुलाई विद्यालयस्तर देखि नै कार्यक्रम तथा प्रतियोगिता आयोजना गर्न सिकाउने उदेश्यले हरेकवर्ष यो प्रतियोगिता आयोजना हुँदै आएको विद्यालयको भनाई रहेको छ ।

इन्टर हाउस अन्तर्गत आयोजना गरिएको फुटबल खेलमा जम्मा चारवटा टिम हुनेछ । खेल दुई भागमा विभाजन गरिएको छ । आआफ्नो हाउस कलर अनुसार जुनियर तर्फबाट कक्षा चार , पाँच र छ का विद्यार्थीबीच खेल हुनेछ भने सिनियर तर्फबाट कक्षा सात र आठका विद्यार्थीबीच खेल हुनेछ ।

गत वर्ष भने कोरोना महामारीका कारण प्रतियोगिता आयोजना हुन सकेको थिएन ।पढाईका अतिरिक्त खेलकुद क्षेत्रमा पनि नेपाल पुलिुस स्कुल अव्वल मानिदै आएको छ ।