छाल खवर
धरान,१२ मंसिर ःरामप्रसाद राई स्मृति पार्क संरक्षण समिति बासिखोरा भोजपुरले स्थानीयस्तरबाट खेलक्षेत्रको विकास गर्न पालिका वडा स्तरीय भलिवल प्रतियोगिताको आयोजना गर्ने भएको छ ।
रामप्रसाद राईको ७१ औं मुक्ति दिवसको अवसरमा प्रतियोगिता आयोजना गरीन लागेको समितिले जनाएको छ ।
खुल्ला पालिका अन्र्तगतको वडा स्तरीय महिला तथा पुरुष भलिवल प्रतियोगिता साथै किरातीहरुको सेमुना सिली प्रतियोगिताको आयोजना गरीन लागेको समितिका सचिव सुमन राईले जानकारी दिएकाछन् ।
प्रतियोगितामा देशभरका स्थानीय तहका वडाहरुबाट महिला तथा पुरुष टिमहरुले प्रतियोगितामा सहभागीता जनाउन सक्ने व्यवस्था रहेको सचिव राईले वताएकाछन् ।
प्रतियोगितामा पुरुष तर्फ प्रथम,द्धितिय र तृतिय हुने टिमलाई क्रमसः ५५ हजार १ सय ११रुपैया,४० हजार १ सय ११ रुपैया,२५ हजार १ सय ११ नगद रुपैया सहित ट्रफि,मेडल र प्रमाण पत्र प्रदान पुरस्कार घोषणा गरीएको छ ।
महिला तर्फ प्रथम,द्धितिय र तृतिय हुने टिमलाई क्रमस ३१ हजार १ सय ११ रुपैया,२० हजार १ सय ११ रुपैया र १२ हजार १ सय ११ नगद रुपैया सहित ट्रफि मेडल र प्रमाण पत्र प्रदान गरीनेछ ।
सचिव सुमन राईका अनुसार प्रतियोगितामा करिव ५ लाख ५० हजार लागत लाग्ने र प्रतियोगितामा ३० टिम सहभागी हुने आयोजकको अनुमान रहेको छ ।
स्थानीय स्तरबाट राष्ट्रिय खेलाडी उत्पादन गर्ने,युवाहरुलाई खेलक्षेत्रप्रति प्रोत्साहन गर्नको लागि प्रतियोगिताको आयोजना गरीन लागेको सचिव राईको भनाई रहेको छ ।
मौलिक कला र संस्कृतिको संरक्षण र जर्गेना गर्दै युवा पुस्ताहरुलाई कला र संस्कृतिको आत्मसात गराउने उदेश्यले सेमुना सिली प्रतियोगिता गराउन लागेको आयोजक समितिका सल्लाहकार प्रसान्त राईको भनाई रहेको छ ।
सेमुना सिली प्रतियोगितामा प्रथम, द्धितिय र तृतिय हुने समूहलाई क्रमस ११ हजार १ सय ११ रुपैया,८ हजार १ सय ११ रुपैया र ५ हजार १ सय ११ रुपैया ट्रफि मेडल प्रमाण पत्र र सवै टिमलाई झ्याम्टा प्रदान गरीनेछ ।
Copyright © 2020 / 2024 - Chhalkhabar.com All rights reserved
Website By : Hash Tech Logic
