पुष १६ देखि १८ गतेसम्म भेडेटार फुड फेस्टिवल

छाल खवर
धरान,१२ पुष ः पूर्वको प्रमुख पर्यटकीय क्षेत्रको रुपमा रहेको भेडेटारमा तीन दिने फुट फेस्टिवल आयोजना गरीने भएको छ ।

आयोजक भेडेटार होटल एशोसिएशनले सोमवार पत्रकार सम्मेलन आयोजना गरी सो वारेमा जानकारी दिएको हो ।

आयोजकले दिएको जानकारी अनुसार पुष १६ गतेदेखि १८ गतेसम्म ९ औं फुड फेस्टिवल आयोजना गरीने छ ।

हरेक अंग्रेजी नयाँ वर्षको अवसर पारेर त्याहा आउने पर्यटकहरुलाई लक्षित गरेर फेस्टिवल आयोजना गरीदै आएको छ ।

छिमेकी मुलुक भारतका पर्यटकहरुलाई लक्षित गरेर हुदै आएको फुड फेस्टिवल गत वर्षमा भने कोरोना महामारीको कारण हुन सकेको थिएन ।

कोरोना महामारीका कारण केही समय घरमा नै केन्द्रीत रहेका पर्यटकहरु अव भने खुलेर घुमफिर गर्ने भएकोले आन्तरीक तथा वाह्य पर्यटकहरुको संख्या बढ्ने अनुमान गरीएको आयोजक समितिका अध्यक्ष जितेन्द्र रुम्दालीको भनाई रहेको छ ।

तीन दिन सम्म चल्ने सो फेस्टीभलमा १ करोड बराबरको कारोबार हुने अपेक्षा गरीएको एशोसिएशनका अध्यक्ष जितेन्द्र रुम्दालीको भनाई रहेको छ ।

सो अवसरमा आन्तरीक तथा वाह्य गरी करिव २० देखि ३० हजार पर्यटकहरु आउने अनुमान आयोजकको रहेको छ ।

के छ फेस्टिवलको विशेषता ?

एसोसिएसनका सचिव तुमराज लिम्बूका अनुसार भेडेटार क्षेत्रमा पाइने जातीय खानेकुरा, अर्गानिक खानेकुराको प्रर्वद्धन गरीनुका साथै स्थानीय कृषि, घरेलु उत्पादनको प्रर्वद्धन हुने छ यसका अतिरिक्त साँझ साँस्कृतिक कार्यक्रममा स्थानीय र राष्ट्रिय कलाकारहरुको प्रस्तुतीमा पनि पर्यटकहरु रमाउन पाउने छन् ।

के के छन् छुटमा ?

भेडेटारका होटल तथा लजहरुले पाहुना पर्यटकहरुलाई जिपलाइन र प्याराग्लाइडिङमा रमाउन चाहने पर्यटकहरुले पनि शुल्कमा छुट पाउने छन् । भेडेटारका होटल र लजहरुले १० प्रतिशत छुट हुनेछ ।

हेलिकप्टरमा फन फ्लाइट गर्दा ५ हजार मात्र शुल्क लाग्ने, देवीथान जिपलाइनमा ३ वटै क्याटोगोरीमा १५ प्रतिशत छुट पाइनेछ भने प्याराग्लाइडिङमा पनि फेस्टिवल अवधिभर पर्यटकहरुले ३० प्रतिशतसम्म छुट पाउने सहमति भएको अध्यक्ष रुम्दालीले जानकारी दिए ।

छिनछिनमा मौसम परिवर्तन हुने र शान्त र रमणीय पर्यटकीय स्थलको रुपमा परिचित रहेको छ । भेडेटार सुनसरी र धरानको सीमानामा अवस्थित रहेको छ ।