छाल खवर
धरान,७ पुष ः वीपी कोइराला स्वास्थ्य विज्ञान प्रतिष्ठानको रिक्त रहेको शिक्षाध्यक्ष पदमा प्रा.डा.सञ्जीव कुमार शर्मा नियुक्त भएका छन् । विगत ३ महिनादेखि रिक्त रहेको शिक्षाध्यक्ष पदमा प्रा.डा.शर्मालाई नियुक्त गरीएको हो ।
तत्कालीन शिक्षाध्यक्ष प्रा.डा.गुरु प्रसाद खनालको पदावधि गत असोज २६ मा समाप्त भएको थियो ।
शर्मा वीपी कोइराला स्वास्थ्य विज्ञान प्रतिष्ठानमा ईन्टर्नल मेडिसिन विभागमा कार्यरत रहेकाछन् ।
प्रतिष्ठानको ऐन २०४९ को दफा ११ (ग) र १० बमोजिम प्रतिष्ठानका उपकुलपति डा.ज्ञानेन्द्र गिरीको सिफारिसमा प्रतिष्ठानका सहकुलपति स्वास्थ्य मन्त्री भवानी प्रसाद खापुङ्गले शर्मालाई नियुक्त गरेका हुन ।
शर्मा चिकित्सकमा मात्र नभएर समाजमा पनि लोकप्रिय रहेकाछन् । विरामीका भगवानको उपनामले समेत चिनिने गरेको छ ।
नव नियुक्त शिक्षाध्यक्ष प्रा.डा. शर्माले प्रतिष्ठान भित्रको विभिन्न विभाग मध्येको एक विभाग रहेको र सवैको सल्लाह र सुझाव लिई प्रतिष्ठानलाई थप मजवुत वनाउदै शिक्षा र अध्ययन क्षेत्रलाई थप प्रभावकारी वनाउन पहल गर्ने प्रतिक्रिया दिएकाछन् ।
शर्मा ५ वर्षका लागि नियुक्त भएका हुन ।
त्यसैगरी प्रतिष्ठानको ऐन, २०४९ को दफा ७ को उप (दफा) १० (ध) बमोजिम प्रतिष्ठानका शिक्षकहरू मध्येबाट उपकुलपतिको सिफारिसमा सहकुलपतिले स्कुल अफ पब्लिक हेल्थ एण्ड कम्युनिटी मेडिसिनका प्रा.डा.नीलाम्बर झा तथा मााइक्रोबायोलोजी विभागका प्रमुख डा.नारायण राज भट्टराईलाई सञ्चालक परिषद् सदस्यमा मनोनीत भएका छन् ।
मनोनीत भएका प्रा.डा.झा तथा डा.भट्टराईको कार्यकाल ४ वर्षको हुने प्रतिष्ठानले जानकारी दिएको छ ।
Copyright © 2020 / 2024 - Chhalkhabar.com All rights reserved
Website By : Hash Tech Logic
