नोबेल एकेडेमीको खेलकुद सप्ताह सम्पन्न (फाेटाेफिचर)

छाल खबर 

धरान । धरान-११ स्थित नोबेल एकेडेमीको खेलकुद सप्ताह सम्पन्न भएको छ । माघ ५ गते देखि सञ्चालित खेल सप्ताह आज सम्पन्न भएको छ । खेल सप्ताहको समापनपछि मंगलबार औपचारिक समारोहबीच विजयी विद्यार्थीहरुलाई पुरस्कार वितरण गरिएको छ ।

पुरस्कार वितरण समारोहमा बोल्दै विद्यालयका प्रिन्सिपल रविन न्यौपानेले विद्यार्थीको चौतर्फी बिकासका लागि किताबी ज्ञानसंगै खेलकुद र अतिरिक्त क्रियाकलापलाई विद्यालयले प्राथमिकता दिंदै आएको बताउनु भयो ।

विद्यार्थीहरुमा भएको प्रतिभा उजागर गर्ने उद्देश्यले स्कूलले प्रत्येक वर्ष यस्तो कार्यक्रम गर्दै आएको प्रिन्सिपल न्यौपानेको भनाई छ । स्पोर्ट्स मिटमा कक्षा नर्सरीदेखि १० कक्षासम्म अध्ययन गर्ने विद्यार्थीहरुले भाग लिएको स्कूलले जनाएको छ ।

विजयी खेलाडिहरुलाई विद्यालयका संस्थापक सदस्यहरूले विजेताहरुलाई मेडल, प्रमाणपत्र, पेन्सिल तथा शिल्ड वितरण गरेको थियो ।

खेलकुदमा हट पोटेटो,चकलेट रेस,म्युजिकल चेयर, बुक ब्यालेन्स, टर्निङ द ग्लास, बर्सट द ब्यालुन, पुल द टेल, मार्बल रेस,चुज द कलर पेपर, बिस्कुट रेस, कपि इन द ब्याग , फिल इन द बास्केट, फिल इन द बास्केट, म्याथम्याटिक्स रेस, ब्यालुन द ब्यालेन्स, अयारेन्ज द सेप, सपरेट द ग्रेन्स्, चुज द कलर्स, क्यारि योर्स फेन्डर्स, ब्यालुन ब्यालेन्स्, छात्र फुटसल, छात्रा फुटबल, छात्र ब्याटमिन्टन,छात्रा ब्याटमिन्टन भएको थियो ।