प्रदेशस्तरीय पाचौं पुष्प प्रदर्शनी व्यापार मेला माघ २५ गतेबाट

छाल खवर
धरानः फूलवारीको शहर उपनामले परिचित धरानमा माघको अन्तिम साता प्रदेशस्तरीय पाचौं पुष्प व्यापार प्रदर्शनी मेला आयोजना हुने भएको छ ।

आयोजकले सोमवार धरानमा पत्रकार सम्मेलन गरी सो मेला सञ्चालन हुने वारेमा जानकारी दिएको हो ।

आयोजकले दिएको जानकारी अनुसार माघ २५ गते देखि २९ गतेसम्म आयोजना हुने सो मेला पव्लिक स्कुलको खेल मैदानमा हुनेछ ।

पाच दिनसम्म सञ्चालन हुने सो मेलाको प्रदेशस्तरीय पुष्प व्यापार मेलामा ५ सय प्रजातिका फूल प्रदर्शनीमा राखिने तथा बिक्री गरिने भएको छ ।

फ्लोरिकल्चर एसोसिएसन सुनसरीले पत्रकार सम्मेलन गरी स्थानीय व्यवसायीका उत्पादनलाई प्राथमिकता दिने बताएको छ ।

। धरानलाई फूलबारीको शहरको रूपमा विकास गर्ने नीतिलाई पनि प्रदर्शनीले सहयोग पुग्ने आयोजकले जनाएको छ ।

कार्यक्रम संयोजक फ्लोरिकल्चर एसोसिएसन सुनसरी अध्यक्ष खगेन्द्र पोखरेलले दिएको जानकारी अनुसार प्रदर्शनीमा ५ सय भन्दा वढी प्रजातिका विरुवाहरु रहनेछन् भने मेलामा ५० हजार भन्दा बढीले प्रत्यक्ष र अप्रत्यक्ष अवलोकन गर्नुका साथै ७० लाख भन्दा वढीको व्यवसायिक कारोवार हुने अनुमान रहेको छ ।

धरान–१२ स्थित पव्लिक हुने पुष्प मेलामा अफिसियल एक, प्रतिस्पर्धाको एक र व्यावसायिक ४८ गरी जम्मा ५० वटा स्टल रहने पराजुलीले बताए । ती स्टलमा मौसमी, आलङ्करिक बोटबिरुवा, सुनाखरी, कम्पोष्ट, फूलको गानो, बिउबिजन, कृषि औजार, उपकरणलगायतको प्रदर्शनी तथा बिक्री गरिने बताइएको छ ।

‘यो मेलाले पुष्प व्यवसायीलाई मात्र होइन, आफ्नो घर, आँगन तथा बगैँचा सजाउन चाहनेलाई पनि उपयोगी हुने अध्यक्ष पोखरेलको विश्वास रहेको छ ।

आयोजकले दिएको जानकारी अनुसार प्रदेश नं. १ मा ६५ भन्दा वढी पुप्पा व्यवसायिहरु रहेकाछन् भने वार्षिक १३ करोडको कारोवार हुने गरेको छ भने ४० करोडको लगानी रहेको छ ।

पाचौं मेलामा धरान नगरपालिकाको सिफारीसमा प्रत्येक वडाका ३ जनालाई सयपत्रि उत्पादनमा वृद्धि गराउन र यसलाई प्रभावकारी वनाउन प्रशिक्षण समेत दिइनेछ ।