डि.पि. बिलिभर्स बोर्डिङको वार्षिकोत्सब तथा पुरस्कार बितरण सम्पन्न

छाल खवर
धरान,२९ चैत ःडि.पि. बिलिभर्स इङ्लिस स्कुल धरान–५ देउरालीको बार्षिकोत्सब तथा पुरस्कार बितरण कार्यक्रम बुधबार सम्पन्न भएको छ।

कार्यक्रमका प्रमुख अतिथि ५नं वडाका वडा सदस्य विजय दुुमि राईको प्रमुख आतिथ्यतामा भएको थियो । स्कुलले वडाको शैक्षिक क्षेत्रमा नीजि क्षेत्रबाट भएपनि योगदान गरेको भन्दै प्रसंशा व्यक्त गरेका थिए ।

वडाबाट सक्ने सहयोग आफूहरुले गर्ने प्रतिवद्धता समेत जनाएका थिए ।

कार्यक्रममा वार्षिक परीक्षा र वर्षभरी भएका विभिन्न अतिरिक्त क्रियाकलापमा उत्कृष्ट हुने बिद्यार्थीलाई पुरस्कार तथा प्रमाण–पत्र बितरण गरिएको थियो ।

पुरस्कृत विद्यार्थीहरुलाई कार्यक्रमका प्रमुख अतिथि धरान उप–महानगरपालिका वडा नम्बर ५ का वडा सदस्य  विजय दुमि राई, स्कुलका प्रिन्सिपल सन्जिप बान्तवा, लगायतले पुरस्कार बितरण गरेका थिए ।

बिद्यालयका प्रीन्सिपल सन्जिप बान्तवाले वार्षिक गतिबिधिहरु प्रस्तुत गर्नुका साथै बिद्यालयको भाबी योजनाको बारेमा जानकारी गराए।

प्रिन्सिपल वान्तवाले आगामी वर्षहरुमा कक्षा–१२ सम्म पु¥र्याईने लक्ष्य रहेको बताउदै म्याथ ल्याब सहित सुबिधा सम्पन्न बिद्यालय बनाईने जानकारी दिए ।

कार्यक्रममा बिद्यार्थीहरुले नृत्य, गीत, राईम्स लगायत प्रस्तुत गरि अभिभावकहरुलाई मनोरन्जन प्रदानगरेका थिए ।

 

कार्यक्रममा रचना लिङ्देनले स्वागत मन्तब्य राखेकी थिइन भने कार्यक्रमको संंचालन बिरेन्द्र लिम्बुले गरेका थिए ।
सो स्कुल विगत १९ वर्षदेखि संचालन हुदै आएको छ ।