वीपीका डाक्टर चौधरी राष्ट्रपतिबाट विभूषित काम गर्न हौसल प्राप्त भएको छ डा –चौधरी

छाल खवर
धरान,४ वैशाखः वीपी कोईराला स्वास्थ्य विज्ञान प्रतिष्ठान धरानका हाडजोनि विभागका प्रोफेसर डा.पशुपति चौधरी सुप्रबल जनसेवाश्रीबाट विभूषित गरिएको छ ।

धरानस्थित बीपी कोइराला स्वास्थ्य विज्ञान प्रतिष्ठानमा हाडजोर्नी विभागमा कार्यरत प्रा.डा.पशुपशुति चौधरीलाई  बैशाख १ गते एक कार्यक्रमबिच राष्ट्रपति रामचन्द्र पौडेलबाट सो पदक विभूषित गरिएको हो ।

सुप्रबल जनसेवाश्री पदक नेपाल सरकारले राष्ट्रिय जीवनको कुनैपनि क्षेत्रमा प्रशंसनीय काम गर्ने नेपाली र विदेशी नागरिकलाई प्रदान गर्ने पदक हो । सुप्रबल जनसेवाश्री तृतीय श्रेणीको पदक हो ।

विभुषण नियमावली २०६५ अनुसार यो मानपदवीको आदर्श वाक्य ‘सेवा नै परम धर्म हो’ भन्ने रहेको छ । सोही अनुरुप प्रा.डा. चौधरीलाई स्वास्थ्य सेवा क्षेत्रमा पु¥याएको योगदानकोे कदर गर्दै सो पदकबाट विभूषित गरिएको हो ।स्वास्थ्य क्षेत्रमा योगदान गरेको मुल्याङ्कन गर्दै नेपाल सरकारले स्वास्थ्य क्षेत्रबाट डा. चौधरीलाई विभूषित गरेको हो ।

डा.चौधरी विगत दुइ दशक भन्दा लामो समय देखि धरान स्थित वीपी कोइराला स्वास्थ्य विज्ञान प्रतिष्ठानमा हाडजोर्नी विभागमा कार्यरत रही २३ वर्षदेखि  सेवा गर्दै आउनु भएको छ ।

विभूषित भएपश्चात डा. चौधरीले आफूले कुनै पदक र सम्मानको लागि काम नगरेको बताउदै पेसाप्रति इमान्दार भई वफादार रही गरेको काम र सेवाको मुल्याङ्कन भएको प्रतिक्रिया दिएकाछन् ।

देश र जनतको पक्षमा काम गर्न र सेवा गर्नको लागि आफूलाई थप हौसला मिलेको डा चौधरीले वताउनु भएको छ । यसबाट मलाई सेवा गर्नेक्रममा थप हौसल प्राप्त भएको छ । मैले सेवामा रहेर गरेको सही कामको सही मुल्याङकन भयो भन्ने महशुस भएको छ– डा चौधरीले भने ।

चौधरीसंगै धरान स्थित वीपी कोइराला स्वास्थ्य विज्ञान प्रतिष्ठान धरानकी नाक कान घाटी रोग विभागकी प्रोफेरसर डाक्टर संगीता सिंह भण्डारी समेत विभूषित हुनु भएको छ ।