जनता स्कुलको अक्षयकोषमा दुई लाख सहयोग

छाल खवर
धरान,१५ वैशाखः कुनै समय सरकारी विद्यालय भनेपछि नाक खुम्च्याउने अभिभावकका लागि यतिवेला इटहरीको सरकारी विद्यालय जनता माध्यामिक विद्यालय अभिभावकको रुचिको केन्द्र वन्ने गरेको छ ।

विद्यार्थीहरुको लागि सय पचास दिन पनि किचकिचाउने अभिभावकल आजभोली भने जनता स्कुलका लागि लाखौ रुपैया दिन पनि तत्पर हुन थालेका हुन् ।

पछिल्लो समय जनता स्कुलप्रति अभिभावकको आकर्षण निकै वढेको छ ।

सोही क्रममा विद्यालयले स्थापना गरेको अक्षयकोषमा इटहरी–१६ का रमेश पाण्डेले २ लाख रुपैँया जम्मा गरेका छन् ।

कुल १८ लाख ४० हजार रुपैँया जम्मा भइसकेको विद्यालयका प्रधानाध्यापक पशुपति सिग्देलले जानकारी दिए । उक्त रकमबाट विद्यार्थीलाई छात्रवृति र अन्य विकासका कामहरु गरिने उनले बताए ।

विद्यालयको समग्र शैक्षिक विकासका लागि स्कुलले स्थापना गर्न थालेको अक्षयकोषमा विद्यालयले यसअघि नै १० लाख रुपैया जम्मा गरिसकेको छ ।

विद्यालयको सहयोगका लागि आर्थिक सहयोग जुटाउन थालिएको र पाँच करोड रुपैयाको अक्षयकोष बनाउने सपना रहेको विद्यालय व्यवस्थापन समितिका अध्यक्ष काशीनाथ दंगालले जानकारी दिए ।

अंग्रेजी माध्यमबाट पढाई हुन थालेपछि जनतामा विद्यार्थीहरुको आकर्षण निकै वढेको छ ।