एम्स एकेडेमिको एम्स एस.ई.ई. फुटसल कप

छाल खवर
धरान,१६ वैशाखः एम्स एकेडेमि धरान–१२ले प्रथम एम्स एस.ई.ई. फुटसल कप आयोजना गर्ने भएको छ।

एकेडेमीले शुक्रबार पत्रकार सम्मेलन गरि सो बारेमा जानकारी दिइएको हो।

कार्यक्रम संयोजक युवराज अधिकारीका अनुसार प्रतियोगिता बैशाख २९ र ३० गते मितेरी फुटसलमा हुने छ।

एस.ई.ई.दिएर बसेका बिद्यार्थीहरुको खाली समयको सदुपयोग गर्दै अन्य गलत काममा नलागि सृजनात्मक काममा लागुन भन्ने उद्येस्यले प्रतियोगिताको आयोजना गरिएको सम्योजक अधिकारीले बताए।

प्रतियोगितामा २० वटा टिम सहभागी हुने सम्योजक अधिकारीले बताए।

एस.ई.ई.कपको बिजेताले नगद १५ हजार, उप बिजेताले १० हजार रुपैया प्राप्त गर्ने आयोजकले जनाएको छ।

त्यस्तै उत्कृष्ट खेलाडी र प्रतियोगिता अवधिभर उत्कृष्ट प्रदर्शन गर्ने खेलाडिहरुलाई समेत पुरस्कारको ब्यबस्था रहेको छ।प्रतियोगितामा विशेष गरि धरान भरिका सामुदायिक र निजि बिद्यालयबाट ०७९ को एस.ई.ई दिएका बिद्यार्थीहरुले मात्रै भाग लिन पाउने प्रिन्सिपल मित्र तामाङले बताए।

धरान बाहिरबाट आएका सहभागी टिमलाई पनि सहभगागी गराउने प्रिन्सिपल तामाङले वताए ।
कार्यक्रमको संचालन को–अर्डिनेटर हेमन्त भण्डारीले गरेका थिए ।