महेन्द्र बहुमुखी क्याम्पसमा निःशुल्क स्वास्थ्य शिविर हुने

छाल खवर
धरान,१८ असारः महेन्द्र बहुमुखी क्याम्पस धरानको बिए दोस्रो वर्षमा अध्ययनरत विद्यार्थीहरूको आयोजनामा निःशुल्क स्वास्थ्य शिविर सञ्चालन हुने भएको छ ।

श्रेया चश्मा घर , रेडक्रस सोसाइटी सुनसरी र हात्तिसार कलेजको प्राविधिक सहयोगमा असार २० गते क्याम्पस स्वास्थ्य शिविर संचालन हुने भएको हो ।

क्याम्पस परिसारमा आयोजना हुन लागेकोे सो शिविरमा आँखा , स्वास्थ खाना परामर्श , ब्लड तथा सुगर जाँचका साथै युरिन र प्रोटिन जाँच , शरीर तौल र रक्तचाप परिक्षण गर्ने कार्यक्रम संयोजक निवन राईले बताउनु भयो ।

शिविरमा विशेषज्ञ चिकित्सकहरुद्धारा जाँच गरीनुका साथै निःशुल्क औषधि वितरण गरिने र रगत जाँच गरेर आकस्मिक चाहिहेको समयमा सम्पर्क गरेर लिन सकिने समेत संयोजक राईले बताउनु भएको छ ।