यु एन नवोदय कलेज शैक्षिक क्षेत्रको सफलता पछि व्यवसायिक क्षेत्रमा

छाल खवर
धरान,२३ असारः युएन नबोदय कलेज धरानले शैक्षिक क्षेत्रको सफलतापछि व्यवसायिक क्षेत्रमा लगानी गर्दै व्यवसायिक क्षेत्रमा प्रवेश गर्न लागेको छ ।

कलेजले शनिवार कलेजमा पत्रकार सम्मेलन गरी युएन बेकरी एण्ड क्याफेमा लगानी गर्दै व्यवसायिक क्षेत्रमा प्रवेश गर्न लागेको जनाएको हो ।

नवोदय कलेजका प्रिन्सिपल डम्वर कुमार तुम्वापोले विद्यार्थीहरुलाई आर्थिक उपार्जन गरि आत्मानिर्भर बनाउदै पढ्दै कमाउदै शिक्षा अन्तर्गत क्याफे संचालनको तयारी गरेको बताए ।

सम्मेलनमा वोल्दै कलेजको आफ्नै जनशक्ति र ब्राण्ड प्रयोग गरेर क्याफे संचालनमा ल्याउने तयारी रहेको जानकारी दिएकाछन् ।

क्याफेले धरानको कोशेलिको स्पेसल ब्रान्ड धराने मिठाई उत्पादन गर्ने क्याम्पस प्रमुख तुम्बापोले थप जानकारी दिएकाछन् ।

कलेजले होटल म्यानेजमेन्ट अध्ययन गर्ने विद्यार्थीहरुको सीप वृत्ति बिकास गर्दै स्वरोजगारी बनाउन क्याफे सञ्चालन गर्ने योजनामा रहेको तुम्बापोले बताए ।

करिव १ करोड्को लगानीमा भदौको पहिलो हप्ता देखि धरान १६ स्थित विद्युत प्राधिकरण छेउमा सञ्चालन गर्ने तुम्बाफेले बताए ।

उनले आफनै जनशक्तिमा उत्पादित सामानहरु गुणस्तरीय हुने दावी समेत गरेकाछन् । अस्वस्थ्य प्रतिस्पर्धाका बिच व्यवसायिक स्वस्थ्य प्रतिस्पर्था गरेर आफ्नो ब्रान्ड स्थापित गर्ने योजना रहेको बताए ।

कलेजका अध्यक्ष ज्ञानेश्वोर झाले अभिभावक तथा सर्बसाधारण मानिसलाईपनि मासिक तथा त्रैमासिक रुपमा रिस्टा,बेकरी,पास्ट्री,जस्ता तालिम सञ्चालन गर्ने जानकारी दिए ।

क्याफेले उत्पादन गरेको सम्पुर्ण सामान बजार मुल्य भन्दा सुपथ मुल्यमा बिक्री बितरण गर्दै फ्री डेलिभरीको ब्यबस्था गर्ने अध्यक्ष झाले बताए ।