विष्णु स्कुलद्धारा मुटु रोग सम्वन्धि क्लिनिक सम्पन्न

छाल खवर
धरान,१ साउनः विष्णु मेमोरीयल वोडिङ स्कुल धरान–९ ले एक दिने मुटु रोग सम्वन्धि निःशुल्क स्वास्थ्य क्लिनिक सम्पन्न गरेको छ ।

विद्यालयमा अध्ययनरत विद्यार्थीहरुका ७० वा सो भन्दा माथि उमेरका अभिभावकहरुका लागि स्वास्थ्य क्लिनिक संचालन गरेको हो ।

शनिवार भएको सो क्लिनिकमा अभिभावक साथै स्थानीय ६४ जनाले सेवा लिएको स्कुलका प्रिन्सिपल निलम श्रेष्ठले जानकारी दिनुभयो ।

क्लिनिकमा वरिष्ट मुटु रोग विशेषज्ञ डा प्रसान्त शाहले सेवा दिनु भएको थियो । परिवर्तनका लागि सामाजिक अभियानसँगको सहकार्यमा सो क्लिनिक संचालन भएको हो ।

सो कार्यक्रममा निःशुल्क स्वास्थ्य परीक्षण गरिनुका साथै औषधि समेत वितरण गरिएको थियो ।

पढाईका अतिरीक्त सामाजिक क्षेत्रमा केही न केही मात्रामा भएपनि योगदान दिने उदेश्यले कार्यक्रमको आयोजना गरीएको स्कुलका प्रिन्सिपल श्रेष्ठले वताउनु भयो ।

विष्णु स्कुलले सामाजिक कार्यलाई निरन्तरता दिदै आएको छ । यस अघि पनि विभिन्न कार्यक्रम सम्पन्न गरीसकेको छ ।

शिक्षा क्षेत्रमा धरानमा विष्णु स्कुल निकै अव्वल रुपमा रहेको छ ।