तेह् नम्वर वडाबाट निःशुल्क डेङगु शिविर संचालन

छाल खवर

धरान,२०साउनः धरान उपमहानगरपालिका वडा नम्बर १३ कार्यालयले निःशुल्क डेङगु उपचार सेवा सञ्चालन गरेको छ ।

धरानमा महामारीकोका रुपमा दिनप्रतिदिन फैलिरहेको डेङगु महामारी रोग नियन्त्रण तथा रोकथामको लागी वडाले निःशुल्क उपचार सेवा संचालन गरेको हो ।

वडाको आफनै पहलमा साउन १५ गतेबाट निःशुल्क डेङगु उपचार सेवा दिईरहेको वडाध्यक्ष नेत्र काफ्ले जानकारी दिएकाछन् ।

वडाध्यक्ष काफलेले डेङगु महामारी रोगले बिरामीको चाप अत्याधिक भए पश्चात १३ नं।वडावासीहरुलाई उपचारमा सहज र सुुविधा प्रदान गर्न वडाको बालसञ्जाल भवनमा अस्थाईरुपमा निःशुल्क उपचार कक्ष सञ्चालन गरिएको बताए ।

शिविरमा दैनिक लगभग ७० देखि ८०जना जनताले सेवा लिन आईरहेको र हाल सम्म लगभग २ सय ५ जनाले उपचार लिईसकेका छन ।

शनिबार मात्रै उपचार कक्षमा ७८ जना निशुल्क उपचार गर्न आएको साथै बिरामीललाई समेत उपचार भन्दा बढी निशुल्क औषधी वितरण गरिएको वडाअध्यक्ष काफलेले बताए ।

शिविर १३ नं। वडावासीकालागि मात्र वडाले सञ्चालन गरेको भएतानि विभिन्न वडावासीहरु आउने भएकाले सेवा सुविधा दिईरहेकोे बताए ।

आँखा पाक्ने रोग आएपछि हाल आँखा शिविर समेत सञ्चालन गदै निशुल्क सेवा समेत दिएको वडाअध्यक्ष काफलेले बताए । धरान ८ मा रहेको खुशी आखा अस्पतालले बिहान १० बजे देखि साझ ५ बजे सम्म आखा शिविर सञ्चालन भै रहेको छ ।

डेङगु महामारी रोग नियन्त्रण तथा रोकथामका नभईन जेल सम्म डेङगु निशुल्क शिविर र आखा शिविर सञ्चालन गरिने वडाअध्यक्ष काफलेले बताए । अन्य वडाले भने शिविर संचालन गर्न सकेका छैनन् । नगरपालिकाले भने डेंगु रोगको परिक्षणका लागि सभागृहका निःशुल्क शिविर नै संचालन गर्दै आएको छ ।