प्राध्यापक निरौला दम्पतीद्धारा मन्दिरको अक्षयकोषमा सहयोग

छाल खवर
धरान,२६ पुष ः धरान–१२ स्थित लक्ष्मी नारायण मन्दीरलाई प्राध्यापक तारा बहादुर निरौला दम्पतीले अक्षयकोषमा सहयोग गरेकाछन् ।

विरेन्द्र मेमोरीयल कलेज धरानका प्रिन्सिपल तथा महेन्द्र बहुमुखि क्याम्पस धरानका पूर्व प्राध्यापक निरौला र उहाँकी धर्मपत्नि मन्जु निरौलाले मन्दिरको अक्षय कोषमा नगद २० हजार सहयोग गरेका हुन् ।

निरौला दम्पतीले पितृ मोक्षका लागि केही दिन अघि सप्ताह पुराण लगाएको र पितृका नाममा मन्दिरमा सहयोग गरेका थिए ।

मन्दिर संचालनका लागि १५ लाख वरावरको अक्षयकोष निर्माण गर्न लागिएको मन्दिर व्यवस्थापन समितिका पूर्व अध्यक्ष आनन्द आचार्यले वताए ।

मन्दिरको अक्षयकोष जस्तो पुन्य कार्यमा आफूले सक्ने सहयोग गर्न पाएकोमा आफूलाई खुशी लागेको प्राध्यापक निरौलाको भनाई रहेको छ ।

सानो भएपनि सहयोग गरेकोमा आफूलाई सन्तुष्टी मिलेको उनको भनाई रहेको छ ।

मन्दिर व्यवस्थापन समितिका अध्यक्ष बालकृष्ण श्रेष्ठले सहयोग गरेकोमा निरौला दम्पतीलाई धन्यवाद ज्ञापन गर्दै आगामी दिनमा यस्तै सहयोग अपेक्षा समेत रहेको वताए ।

निरौला दम्पतीले यस अघि धरान–१४ स्थित पं पुरुषोत्तम भट्टराइले स्थापना गर्नु भएको संस्कृत बिद्यालय बिजयपुरको छात्रबास निर्माणको लागि सहयोगार्थ ५० हजार रुपैया सहयोग समेत गर्नु भएको थियो ।