मन्टेश्वरी किन्डर गार्टेनमा हिउदे मेला विद्याथीहरुलाई व्यवहारीक ज्ञान दिन मेला आयोजना गरीएको हो–प्रिन्सिपल जोशी

छाल खवर
धरान,२९ पुुष ःमन्टेश्वरीको लागि निकै चर्चा कमाएको धरान–१६ जोरसखुवा स्थित मन्टेश्वरी किन्डर गार्टेनले विद्यार्थीहरुको विद्यार्थी अभिवृद्धि र रमाइलोका लागि शक्रवार एक दिवसिय हिउदे मेला सम्पन्न गरेको छ ।

मेलामा साना साना बिद्यार्थीहरुले मम, चटपटे, पानीपुरी, यमरी, आलुनिम्की लगायतका खाद्य सामग्रीका स्टल राखेका थिए।

सो मेलामा बिद्यार्थीद्धारा निर्माण गरीएको हातले बनाएका कागजका फुल, हिमाल, चौरीको तस्विर लगायत अन्य विभिन्न सामग्रीको स्टल समेत राखेका थिए।

विद्यालयकी प्रिन्सिपल सुुलेखा जोशीले बिद्यार्थीहरुलाई व्यापार कसरी गरिन्छ भनेर ब्यबहारिक रुपले सिकाउनका साथै अभिभावकहरुसङ्ग कसरी बोल्ने, घुलमिल हुने भन्ने कुरा सिकाउने उद्येस्यले मेलाको आयोजना गरिएको बताउनु भयो।

मेलामा अभिभावकहरुले समेत विभिन्न सामग्रीका स्टल राखेका थिए।

उक्त कार्यक्रममा बिद्यार्थीहरुले गीत तथा नृत्य प्रस्तुत गरि मनोरन्जन दिलाएका थिए।