रोवोरेस प्रतियोगिताका उपविजेता विद्यार्थीहरुलाई धरान उच्चको सम्मान

छाल खवर
धरान,१७ माघः कोशी प्रदेश स्तरीय रोवोरेस प्रतियोगितामा उपविजेता हुन सफल विद्यार्थीहरुलाई धरान उच्चले सम्मान गरेको छ ।
रोवोटिक्स एसोशिएसन अफ नेपाल (इष्ट)ले आयोजना गरेको कोशी मिनियन्त्र टु पइन्ट जिरो रोवोरेस प्रतियोगितामा उपविजेता हुन सफल विद्यार्थीहरुलाई उच्च्ले सम्मान गरेको हो ।
विजेता हुन सफल विद्यार्थीहरु आयाम खवास,लिन भुजेल, निमदिकी लामा र विप्रसा श्रेष्ठलाई क्याम्पसले खदा र मला लगाई सम्मान गरेको थियो ।विजेता धरान उच्चले प्रमाण– पत्र सहित नगद १० हजार समेत हात पारेको थियो ।

विजेता विद्यार्थीहरुलाई धरान उच्च अन्तर्गतको विरेन्द्र मेमोरीयल कलेजका प्रिन्सिपल तारा बहादुर निरौला,धरान उच्च विज्ञान संकायका प्रोग्राम कोअर्डिनेटर सुनिल कुमार भगत लगायतले खदा मालाले सम्मान गर्दै वधाई ज्ञापन गरेका थिए ।
विद्यार्थीहरुलाई प्रोत्साहन गर्नको लागि कार्यक्रमको आयोजना गरीएको प्रोग्राम कोअर्डिनेटर भगतले वताए ।
विद्यार्थीहरुमा भएको क्षमतालाई प्रष्फुटन गर्न र विज्ञानको क्षेत्रमा विद्यार्थीलाई अघी वढाउदै लानको लागि विद्यार्थीलाई सहभागी गराएको विरेन्द्र मेमोरीयल कलेजका प्रिन्सिपल तारा बहादुर निरौलाको भनाई रहेको छ ।
प्रतियोगिताबाट आफूहरुलाई विज्ञान क्षेत्रमा अघि वढन प्रोत्साहन मिलेको टिम प्रमुख आयाम खवासले वताए ।
प्रतियोगितामा कोशी प्रदेश भरीका १४ वटा उच्च माविको सहभागीता रहेको थियो ।