युएन कलेजकी प्रदेस प्रथम प्रिजा डागी सम्मानित

छाल खवर
धरान,२७ माघः युएन नबोदय कलेजबाट बिएचएमआठौ सेमेस्टरमा कोशी प्रदेस प्रथम छात्रा प्रिजा डागीलाई कलेजले सम्मान गरेको छ ।

कलेजले शुक्रवार एक कार्यक्रमको आयोजना गरी उनलाई सम्मान गरेको हो ।

कलेजका अध्यक्ष ज्ञानेश्वर झा र क्याम्पस प्रमुख डम्बर कुमार तुम्बापोले २५ हजार नगद सहित सम्मान पत्रले सम्मान गर्नभएको थियो ।

प्रिजाले त्रिभुवन विश्वविद्यालयले लिएको बिएचएम आठौ सेमेस्टरको अन्तिम परीक्षामा जिपिए ३ दशमलव ८५ प्राप्त गरी कोशी प्रदेस प्रथम गरेको क्याम्पस प्रमुख डम्वर कुमार तुम्बापोले जानकारी दिनुभयो।

कलेजका होटल म्यानेजमेन्ट कोअर्डिनेटर गगन श्रेष्ठ, अध्यापकहरु अनिमेस बास्तोला र सृजना लिम्बुले प्रिजालाई बधाई दिनुभएको थियो ।

आफुले मिहिनेत गरे अनुसार प्रदेस प्रथम भई कलेजले सम्मान गर्दा खुशी लाग्नुका साथै थप हौसला मिलेको सम्मानित छात्रा डाङ्गीको भनाई रहेको छ ।

होटल मेनेजमेन्टमा युएन कलेजले प्रदेशको उत्कृट नतिजा ल्याउन सफल हुदै आएको छ ।