हाजिरीजवाफ प्रतियोगितामा जेनिथ प्रथम

छाल खवर
धरान,२० फागुनः धरान उप–महानगरपालिका वडा नम्बर १६ को आयोजनामा भएको वडा स्तरीय अन्तर बिद्यालय हाजिरिजवाफ प्रतियोगिताको उपाधि जेनिथ इङ्लिस बोर्डिङ स्कुलले हात पारेको छ ।

शारदा बालिका नमुना मा.बि.मा सम्पन्न प्रतियोगितामा सिद्धार्थ शिशु सदन स्कुलले दोश्रो स्थान हात पार्न सफल वनेको छ ।

त्यस्तै धरान लिगामेन्ट रेसिडेन्सियल स्कुल तेश्रो भएको १६ नं.वडा अध्यक्ष मुरारी भट्टराईले जानकारी दिएकाछन् ।

बिजेता बिद्यार्थीहरुलाई कार्यक्रमका प्रमुख अतिथि वडा अध्यक्ष भट्टराई, शारदा बालिका स्कुलका प्रधानाध्यापक धर्मनारायण सिंह लगायतले ट्रफी, मेडल र प्रमाणपत्र बितरण गरेका थिए ।

बिद्यार्थीहरुको बौद्धिक क्षमताको बिकास गर्ने उद्येस्यले वडाको बजेटबाट प्रतियोगीताको आयोजना गरिएको वडा अध्यक्ष भट्टराईले जानकारी दिए ।

प्रतियोगितामा वडाका आधा दर्जन बढी बिद्यालयहरुको सहभागिता रहेको आयोजकले जनाएको छ। कार्यक्रमको संचालन शारदा बालिका स्कुलका शिक्षक बिष्णुप्रसाद गुरागाई तथा शंकर भण्डारीले गरेका थिए ।