विरेन्द्र मेमोरीयल कलेजमा स्वागत र विदाई

छाल खवर
धरान,२४ चैत ः विरेन्द मेमोरियल कलेज धरानमा विद्यार्थीहरुले स्वागत तथा विदाई कार्यक्रम सम्पन्न भएको छ ।कलेजले धरान उच्चको प्राङगणमा एक कार्यक्रमको आयोजना गरी सो कार्यक्रम सम्पन्न गरेको हो ।

कलेजले प्रथम वर्षमा आउनेलाई स्वागत र चौथो वर्षका विद्यार्थीहरुलाई विदाई कार्यक्रम गरेको थियो ।

कलेजकी विद्यार्थी यशोदा लिम्वुले कार्यक्रममा वोल्दै कक्षा ११ मा कलेज आउदा आफुलाई सामान्य कुराको जानकारी नभएको अनुभव सुनाउदै कडा मेहनत पश्चात प्रदेश प्रथम सम्म भएको वताइन ।

उनले भनिन–सामुदायिक स्कुल पढेर आएको हुदा शुरुमा आफूलाई निकै गारो भएपनि विविएसमा भने कडा मेहनतका कारण प्रदेश कै उत्कृष्ट नतिजा ल्याउन सफल भए ।

सफलता हात पार्नको लागि कडा परिश्रम र मेहनतको आवस्यकता रहेको उनको भनाई थियो ।

कार्यक्रमका प्रमुख अतिथिग कोशि प्रदेशका पुर्व प्रदेश प्रमुख गोविन्द तुम्वाहाङले विद्यार्थीहरुको उज्वल भविष्यको कामना गर्नु भएको थियो ।

सोही कार्यक्रममा वोल्दै कलेजका प्रिन्सिपल तारा बहादुर निरौलाले विद्यार्थीहरुले कडा मेहनत गरेर पढेको खण्डमा सहज रुपममा सफलता हासिल गर्ने वताउनु भयो ।

कार्यक्रममा विद्यार्थीहरूले विभित्र गीतमा नृत्य प्रस्तुत गरी मनोरन्जन दिलाएका थिए ।

सो अवसरमा स्थानीय व्यवसायिकहरुको स्थलगत रुपमा अध्ययन गरी निर्माण गरीएको भिडियो प्रतियोगिता उत्कृष्ट हुने समूहलाई नगद तथा प्रमाण पत्र प्रदान गरीएको थियो भने सहभागी विद्यार्थीहरुलाई प्रमाण–पत्र प्रदान गरीएको थियो ।

कार्यक्रममा धरान उच्चका प्रिन्सिपल हेमचँन्द्र अधिकारी, महेन्द्र क्याम्पसका पूर्व क्याम्पस प्रमुख तथा धरान उच्चका संचालक चन्द्र फोम्वो, विरेन्द्र मेमोरीयल कलेज विज्ञान संकायका इन्चार्ज सुनिल भगत लगायतको उपस्थिति रहेका थियो ।