खाडी पस्न बाकी छ

मैले मास्टर डिग्री गरे अब
सर्टिफिकेट थन्काएर
खाडी पस्न बाकी छ ।

लाखौ खर्च गरी डिग्री पढाएका
मेरा बा आमाले पाँच हजारको
हरियो पासपोर्ट बनाएर खाडी पठाउन बाकी छ ।

म सानो छ दा पढेर के बन्छौ भनि सोध्नेहरुलाई पढेर ठूलो मान्छे हुन्छु भन्थे तर अब खाडी जान्छु भन्न मात्र बाकी छ ।

खेतबारी धितो राखी पढेको मैले अब खाडी जान झुप्रो घर धितो राखन बाकी छ ।

त्यागेर मैले आफ्नो सपना बेरोजगारको युद्ध लडदै पैसाको मुखमा पर्दै खाडीको तातो घाममा लडिबुडी गर्न मात्र बाकी छ ।

रोजगारीको लागि शिक्षाको सर्टिफिकेट होईन सत्तामा आफ्नो मान्छे चाहिदो रहेछ अब जागिरको लागि तोरी सर्टिफिकेट खोइ होईन तेरो मान्छे खोई भन्न मात्र बाकी छ ।

के अर्थ भो र हामी गरिबले मास्टर डिग्री गरेको सरकार कोटा सत्ता र पदमा आफनै मान्छे राखेपछि हामी गरिबलाई पिल्साएर तिमीले भोज गर्न मात्र बाकी छ ।

मैले मास्टर डिग्री गरेको अब सर्टिफिकेट थन्काएर खाडी पस्न बाकी छ ।।

(ममिता राई
धरान १७ पटनाली