धरान १३ को खहरेमा ग्याबिन तोडफोड आरोपममा नगर प्रहरी असई प्रहरी नियन्त्रणमा

छाल खवर
धरान,२७ आइतवार ः धरान वडा नं १३ को खहरेमा ग्याबिन बाल भत्काउने कार्यमा संलग्न मध्येका ४ जनालाई प्रहरीले पक्राउ गरेको छ ।

नगर प्रमुख हर्कराज राईको निर्देशनमा ग्याबिन बाल भत्काउने नगर प्रहरीको कमाण्ड गर्ने असई सुरेश मग्राती सहित ४ जनालाई प्रहरीले पक्राउ गरेको हो ।

मग्रातीलाई वडा नं १४ स्थित उनकै घरबाट आइतवार बिहान पक्राउ गरेको हो । उनलाई पक्राउ गरेर जिल्ला प्रहरी कार्यालय इनरुवा लगिएको छ । जिल्ला प्रहरी प्रवक्ता एवं डिएसपी नवीनकृष्ण भण्डारीले मंग्राती पक्राउ गरेको पुष्टि गरे ।

प्रहरीले सो घटनामा संलग्न भएको आरोपममा धरान–१३ कि भारती राई, उनका भाई नाता पर्ने वडा ४ भर्लेनीका राजकुमार राई र श्रीमति दिलकुमारी राईलाई यस अघि नै पक्राउ गरी सकेको छ ।

उनीहरुलाई सार्वजनिक सम्पत्ति तोडफोड गरेको आरोपमा पक्राउ गरिएको प्रहरीले जनाएको छ ।
वडा नं १३ को खहरेमा प्रदेश सरकारको बजेटबाट पहिरो नियन्त्रण गर्न ग्याबिन लगाइएको थियो ।