युएन नबोदयकी एन्जिला जेसिज बतृत्वकलामा प्रथम

छाल खवर
धरान,१० भाद्रः धरान जेसिजले आईतवार आयोजना गरेको धरान उप–महानगरव्यापि अन्तर प्लस टु स्तरीय भजेन्द्र स्मृति वक्तृत्वकला प्रतियोगितामा एन्जिला कार्की प्रथम भएकी छिन।

जेसिज सप्ताह–२०२४ अन्तर्गत दोश्रो दिन भएको प्रतियोगितामा युएन नबोदय कलेजमा होटल म्यानेजमेन्ट लिएर कक्षा–१२ मा अध्ययनरत एन्जिला प्रथम भएकी हुन।

एन्जिला ¥याडिकल लाईट नेपालले आयोजना गरेको एसईई स्पिकर–२०७९ की समेत बिजेता हुन।

धरान–१ स्थित नेपाल रेडक्रस सोसाइटी सुनसरीको सभा हलमा सम्पन्न भएको प्रतियोगीतामा डिपोट सेकेन्डरी स्कुलका सरिफ राई द्वितीय भएका थिए ।

त्यस्तै दिल्ली पब्लिक स्कुलका अदित दास तृतीय भए भने बिजयपुर सेकेण्डरी स्कुलका मोहम्मद सोहल सान्त्वना भएका थिए ।

प्रतियोगीतामा धरान भरिका विभिन्न बिद्यालयका कक्षा ११ र १२ मा अध्ययनरत २४ जना बिद्यार्थीहरु सहभागि भएको कार्यक्रमका मुल संयोजक राजेन्द्र रिजालले जानकारी दिए।

प्रतियोगितामा बिजेताहरुलाई निर्णायकहरु डा भवानी प्रसाद भट्टराई, डाजीवन राई, डा. अस्मिता बिष्ट, धरान जेसिजका अध्यक्ष आयुष्मा शाक्य, कार्यक्रमका संयोजक रिशब लिम्बु लगायतले ट्रफि, मेडल र प्रमाण–पत्र प्रदान गरेका थिए ।

धरान जेसिजले हरेक वर्ष जेसिज सप्ताहको आयोजना गर्दै आएको छ ।