युएन नवोदय ट्यालेन्ट सो सम्पन्न

छाल खवर
धरान,४ असोजः युएन नवोदय कलेजले आयोजना गरेको युएन नवोदय ट्यालेन्ट सो सम्पन्न भएको छ ।

कलेजको प्राङगणमा आयोजित ट्यालेन्ट सो मा बतृत्वकला तर्फ नेपाली भाषा अन्तर्गत कक्षा ११ होटल मेनेजमेन्ट तर्फका प्रेम विश्वकर्मा, र अङ्ग्रेजी भाषा अन्तर्गत होटल मेनेजमेन्टकी रेशिका लिम्बु बिजेता बनेकी छिन ।

त्यस्तै एकल नृत्य तर्फ कक्षा ११ व्यवस्थापन संकायका रेयन बज्राचार्य बिजेता बन्न सफल भएका थिए भने भने सामूहिक नृत्य तर्फ होटल मेनेजमेन्ट तर्फका अनुष्का एन्ड ग्रुप बिजेता बनेको थियो ।

त्यस्तै गायन तर्फ कक्षा ११ का बिज्ञान सङ्कायका निर्दोष रोक्का बिजेता बनेका छन ।

प्रतियोगिताको निर्णायकहरुमा वतृत्वकलातर्फ अङ्ग्रेजी प्राध्यापकहरु दिव्या झा,विजय अछामी र नेपाली प्राध्यापक जानुका तुम्बापो रहेका थिए ।

त्यसैगरी नृत्य तर्फ संगीत प्रशिक्षक विनायक राई र एसइई २०२२ का विजेता गायक छिरिङ तामाङ रहेका थिए भने नृत्यतर्फ नृत्य प्रशिक्षक सन्तोष तामाङ र एसईई डान्सिङ स्टार २०२२की विजेता नुमा लिम्बु रहेका थिए ।

विद्यार्थीैहरुको प्रतिभा प्रस्फुटन गर्नको लागि कार्यक्रमको आयोजना गरीएको कलेजका जनसम्पर्क अधिकृत रामबहादुर लिम्वुले वताउनु भयो ।

कार्यक्रमको सभापतित्व त्रिभुवन विश्व विद्यालयका सहप्राध्यापक तथा कलेजका अध्यक्ष ज्ञानेश्वर झाले गर्नुभएको थियो भने कलेजका क्याम्पस प्रमुख डम्वर कुमार तुम्वापो,होटल मेनेजमेन्टका को अर्डिनेटर गगन श्रेष्ठको उपथिति रहेको थियो ।