विष्णुका विद्यार्थीद्धारा ज्ञानचक्षुका विद्यार्थीहरुलाई ट्र्याक सुट

छाल खवर
धरान,१४ मंसिर ः सवैले मिलेर काम ग¥यो भने सानो सहयोगबाट पनि ठूलो काम गर्न सकिन्छ भन्ने उदाहरण धरान–९ स्थित विष्णु ममोरियल स्कुलका कक्षा ९ का विद्यार्थी वनेकाछन् ।

सानो सहयोगबाट पनि ठूलो सहयोग गनृ सकिने उदाहरणको पात्र वन्दै उनीहरुले दशैमा दक्षिणबाट पाएको रकमको १० प्रतिशत रकम र तिहारमा देउसी भैलो खेलेको १० प्रतिशत रकम थपेर ज्ञान चक्षु विद्यालयका दृष्टिविहीन विद्यार्थीलाई सहयोग गरेका हुन ।

ज्ञानचक्षुका ६५ जना विद्यार्थीलाई ४५ हजार मूल्यको जाडोमा लगाउने ट्र्याक सुट प्रदान गरेका थिए ।सो अवसरमा विद्यार्थीलाई फलफूल समेत वितरण गरिएको थियो ।

विष्णु मेमोरीयलका प्रिन्सिपल निलम श्रेष्ठले विद्यार्थीले ‘सामाजिक सेवा अन्तर्गत शिक्षासँगै संस्कार’ सिकाउने उद्देश्यले निजी खर्चबाट बचाएर सहयोग गरेको बताए ।

सहयोग हस्तान्तरण कार्यक्रमका प्रमुख अतिथि धरान उपमहानगरपालिका शिक्षा महाशाखाका प्रमुख गणेशप्रसाद खतिवडा थिए ।

उनि सहित विष्णुका प्रिन्सिपल श्रेष्ठले ज्ञानचक्षुका विद्यार्थीलाई ट्र्याक सुट फलफूल वितरण गरे ।पढाईका अतिक्ति विष्णु स्कुलले विभिन्न कार्यक्रमहरु आयोजना गर्दै आएको छ ।