छाल खवर
धरान,२३ पुषः धरान–५ स्थित डिपी विलिभर्स वोडिङ स्कुलले धरान उपमहानगरपालिका शिक्षा महाशाखालाई चुनौति दिदै स्विकृति नलिई माध्यमिक तहको कक्षा सञ्चालन गरेको छ ।
डिपि विलिभर्सले ९ र १० कक्षा सञ्चालनको स्विकृति नलिई गैरकानुनी रुपमा संचालन गरेको हो ।
स्कुलले कक्षा ९ र १० पढाएपनि एसइई परीक्षा भने मोरङको एक प्राइभेट संस्थाबाट दिने गरेको छ ।
प्राइवेटबाट परिक्षा दिनको लागि काुननी रुपमा छुट्टै प्राइवेट पढाउन अनुमति लिनुपर्ने कानुनी व्यवस्था रहेको छ । तर स्कुलले एइईको लागि अनुमति नलिई नै कक्षा संचालन गरी विद्यार्थी वाहिर लाने गरेको छ ।
डिपि विलिभर्सको कक्षा ८ सम्म मात्र पढाउनको लागि कानुनी रुपममा स्विकृति रहेको छ । स्कुलले वोडिङको रुपमा महंगो शुल्क विद्यार्थी पढाउने गरेता पनि परिक्षा भने अरुबाट दिन लगाउने गरेको छ जुन कानुनी रुपमा गैरकानुनी हुने विज्ञहरुको भनाई रहेको छ ।
प्राइभेट परीक्षा दिने गरी कक्षा सञ्चालन भएको र विद्यार्थीहरु र अभिभावक समेत सहमति भएको स्कुलका प्रिन्सिपल सन्जिप वान्तावाले दावी गर्नुभएको छ ।
अनुगमनका क्रममा भौतिक पूर्वाधारको अभावमा स्कुललाई कक्षा ९ र १० संचालनको लागि स्विकृति दिन नसकिएको शिक्षा महाशाखा अधिकृत गणेश खतिवडाको भनाई रहेको छ ।
खतिवडाको अनुसार स्विकृति नलिईकन कक्षा संचालन नगर्न स्कुललाई चेतावनि समेत दिइसकेको थियो तर शिक्षा महाशाखाको चेतावनिलाई समेत चुनौति दिदै स्कुलले कक्षा ९ र १० संचालन गर्दै आएको छ । स्कुलको भौतिक पूर्वाधार कमजोर अवस्था रहेको छ ।
खतिवडाका अनुसार स्कुलले कक्षा ८ सम्मको मात्र स्विकृति लिएको छ ।
शिक्षा महाशाखाले अनुमति नलिइ कक्षा संचालन नगर्न सचेत गराएपनि त्यसलाई चुनौतिदिदै हालसम्म पनि कक्षा संचालनमा रहेको छ ।
हाल स्कुलको भौतिक संरचना अनुसार अध्यापन गर्ने वातावरण नभएकाले स्वीकृति नदिएको खतिवडाको भनाई रहेको छ । स्कुलले कक्षा ९ र १० को स्विकृत लिनको लागि आवेदन दिएपनि स्विकृत दिएको छैन ।
स्कुलले २ वर्ष अगाडी कक्षा ८ सम्मको मात्र अनुमति लिएको शिक्षा महाशाखाले जनाएको छ । महाशाखा अनुसार स्कुलको भौतिक संरचना र वातावरण नभएकाले कक्षा ९ र १० अनुमति नदिइएको हो । प्रिन्सिपल राईका अनुसार कक्षा ९ मा १३ र कक्षा १०मा ११ जना विद्यार्थीहरू अध्ययन गरीरहेकाछन् ।
स्कुलका प्रिन्सिपल सञ्जीव राईले भने विद्यार्थीको परीक्षा अन्योलमा नरहेको जिकिर गर्दै विद्यार्थीहरूलाई एसइई परीक्षा दिन मोरङको सुकुना स्कुल मा.विबाट दिनको लागि फर्म भर्ने व्यवस्था गरीएको वताए । कक्षा १० का कतिपय विद्यार्थीले प्राइभेट परीक्षा दिन नमानेर पुनः कक्षा ९ मै पढी रहेको पाईएको छ।
स्कुलले अर्को वर्ष अनुमति पाएपछि मात्र एसइई दिने बताउँदै कक्षा ९ मै अध्ययन गराएको प्रिन्सिपल राईको भनाई छ ।
राईले कक्षा ९ र १० को अनुमति नभए पनि स्कुलमा अघिल्लो वर्षदेखि विद्यार्थीहरूलाई कक्षा ९ र १० मा अध्यापन गराइँदै आएको बताए ।
विद्यार्थी र अभिभावकहरू प्राइभेटमा परिक्षा दिन र स्कुलमा पढाउन मन्जुर भएको प्रिन्सिपल राईको दावी रहेको छ ।
राईका अनुसार अघिल्लो वर्ष देखि नै प्राइभेट परीक्षा विद्यार्थीहरूले दिदै आएकाछन् ।
आफूले कक्षा ९ र १० सञ्चालनका लागि अनुमति लिन पटक पटक निवेदन दिएपनि स्कुलको भौतिक संरचनाको अभाव देखाउदै शिक्षा शाखाले अनुमति नदिएको उनको भनाई छ ।
यद्यपि प्रिन्सिपल राईले भने आफूहरुसंग पयाप्त पूर्वाधार रहेको जिकिर गर्दै आएकाछन् ।
स्कुलले प्राइभेट एसइई परीक्षा दिलाए पनि प्राइभेट परीक्षालाई नेपाल सरकारले सरकारी सेवा र लोक सेवा आयोगमा समेत हालसम्म स्विकार भने गरेको छैन ।
यो स्थिति विद्यार्थीहरूको भविष्यको लागि गम्भीर हो ।
स्विकृत नलिई कक्षा संचालन गरी विद्यार्थीको भविष्यमाथि खेलवाड गर्ने स्कुलका विषयमा गम्भिर वन्नु पर्ने कानुनी दायरामा ल्याउनु पर्ने अभिभावकको माग रहेको छ ।
सो विषयमा शिक्षा महाशाखा गम्भिर वन्न जरुरी छ ।
Copyright © 2020 / 2026 - Chhalkhabar.com All rights reserved
Website By : Hash Tech Logic
