सरस्वति पूजामा हिबिस्कस बाल क्लवद्धारा लोकनृत्य प्रतियोगिता

छाल खवर
धरान,२१ माघः हिविस्कस इङ्लिस वोडिङ स्कुल धरान–१५ स्थित हिविस्कस बाल क्लव ले सरस्वति पूजाका अवसरमा अन्तर विद्यालय स्तरीय लोकनृत्य सम्पन्न गरेको छ ।

प्रतियोगितामा सिद्धार्थ शिशुसदन स्कुलकी सुवासना श्रेष्ठ प्रथम वनेकी छिन भने लिवर्टी रेसिडेन्सियल वोडिङ स्कुलकी टिका मगर दोस्रो वनेकी थिइन ।

त्यसैगरी जेनिथ वोडिङ स्कुलकी प्रिन्सा मगर तेस्रो र धरान स्कोलर एकेडेमीकी इक्सा लिम्वु सान्तवना वनेकी थिइन् ।

विजेता वनेकी श्रेष्ठले ४ हजार नगद,ट्रफि, मेडल र प्रमाण–पत्र हात पारेकी थिइन भने दोस्रो वनेकी टिका मगरले ३ हजार नगद,ट्रफि मेडल र प्रमाण–पत्र हात पारेकी थिइन् ।

प्रतियोगितामा जेनिथकी प्रिन्सा मगरले नगद २ हजार ट्रफि मेडल र प्रमाण–पत्र हात पार्न सफल वनेकी थिइन ।

प्रतियोगितामा धरान स्कोलर एकेडेमीकी इक्सा लिम्वूले सान्तवना पुरस्कार प्राप्त गरेकी थिइन ।
प्रतियोगिताको निर्णायकहरुमा सरस्वती योगी र मणि लिम्वु रहेका थिए ।

प्रतियोगितामा धरानभरीका ९ वटा स्कुलका ११ जनाले सहभागीता जनाएका थिए ।

विजेताहरुलाई कार्यक्रमका प्रमुख अतिथिद्धय धरान वडा नं. १५ का वडा सदस्य वादल भट्टराई र एनप्याव्सन धरानका अध्यक्ष भगत लिम्वुले संयुक्त रुपमा पुरस्कार वितरण गरेका थिए ।

सरस्वति पूजाका अवसरमा पूजा अर्चना मात्र नभएर विद्यार्थीहरुको प्रतिभालाई उजागर गर्नको लागि नृत्य प्रतियोगिताको आयोजना गरीएको हिविस्कस स्कुलका निर्देशक गंगाराम राईले वताए ।

यस्ता प्रतियोगिताहरुले विद्यार्थीहरु भित्र रहेको प्रतिभालाई प्रष्फुटन गर्ने अवसर प्राप्त हुनुका साथै पढाईका अतिरीक्त कृयाकलापमा पनि विद्यार्थीहरुलाई अगाडी वढाउन मद्धत पुग्ने वताए ।

कार्यक्रममा विशेष अतिथि नेपाल पत्रकार महासंघ सुनसरीका अध्यक्ष सन्तोष काफ्ले, प्रमुख अतिथिद्धय वडा सदस्य वादल भट्टराई र भगत लिम्वु,क्रियटिम स्कुल सर्कल धरानका सचिव पृथ्वी राइका मगरले कार्यक्रममा शुभकामना व्यक्त गरेका थिए ।

प्रतियोगिताको मुख्य प्रायोजन १५ वडा समितिले गरेको थियो ।