च्याम्पियन सेकेन्डरी स्कुलमा निस्शुल्क आँखा शिबिर

छाल खवर
धरान,१४ फागुनःच्याम्पियन सेकेन्डरी स्कुल धरान–१५ ले शनिवार एक दिने निःशुल्क आँखा शिबिर सम्पन्न गरेको छ ।

रानी आँखा अस्पताल प्रा.लि.बिराटनगरको आयोजना र स्कुलको ब्यवस्थापनमा भएको शिबिरमा ३ सय जनाले आँखा तथा कानको परिक्षण गराएका थिए ।

परीक्षण गराएका तीन सय मध्ये १४ जनामा मोतिया बिन्दु र दुई जनामा पिजिटी (आँखामा मासु पलाउने रोग) देखिएको अस्पतालकी डा.सिवानी कर्णले जानकारी दिइन।

स्कुलका बिद्यार्थी, अभिभावक र १५ नम्बर वडाबासीहरु आँखा तथा कानको परीक्ष्ण गराउन आएको स्कुलकी प्रिन्सिपल नाजु सुबेदीले बताईन।

नियमित पठनपाठन बाहेक अभिभावक, बिद्यार्थी तथा टोलबासीहरुको लागि सामाजिक उत्तरदायित्व बोध भएर निःशुल्क शिबिर गरिएको प्रिन्सिपल सुबेदीले बताईन ।

स्कुलले सामाजिक उत्तरदायित्व अन्तर्गत विभिन्न कार्यक्रमहरु आयोजना गर्दै आएको स्कुलको भनाई रहेको छ ।