एसइई परीक्षाको तयारी पुरा पाँच लाख बढी विद्यार्थी सहभागी हुने परिक्षा ७ चैतदेखि

  • चैत ४, २०८१
  • १,५७८ पटक पढिएको
  • छाल खबर
alt

छाल खवर
काठमाडौं,३ चैतः राष्ट्रिय परीक्षा बोर्ड, परीक्षा नियन्त्रण कार्यालयले यस वर्षको माध्यमिक शिक्षा परीक्षा (एसइई) को सम्पूर्ण तयारी पूरा भएको जनाएको छ।

परीक्षा नियन्त्रक नन्दलाल पौडेलका अनुसार चैत ७ गतेदेखि देशभर एकसाथ सुरु हुने एसइईका लागि प्रश्नपत्र, सिम्बोल नम्बर, उत्तरपुस्तिका तथा अन्य आवश्यक सामग्री सम्बन्धित जिल्लामा पठाइसकिएको छ।

गत वर्ष ४ लाख ६४ हजार ७८५ जना विद्यार्थी सहभागी भएकोमा यस वर्ष परीक्षार्थी संख्या ४९ हजार २८६ ले बढेर ५ लाख १४ हजार ७१ पुगेको छ। परीक्षाका लागि देशभर २,०७९ परीक्षा केन्द्र तोकिएको छ।

परीक्षा व्यवस्थापन र विशेष केन्द्रहरू

परीक्षामा १५० जना सम्म परीक्षार्थी भएको केन्द्रमा एक जना सहायक केन्द्राध्यक्ष तोकिनेछ भने प्रत्येक २० विद्यार्थीका लागि एक जना निरीक्षक रहनेछन्। ७५ जना भन्दा कम परीक्षार्थी भएको केन्द्रमा सहायक केन्द्राध्यक्ष रहने छैन।

यस वर्ष तीनवटा विशेष परीक्षा केन्द्र तोकिएका छन् – काठमाडौँ र दैलेखका कारागार तथा भक्तपुरको बाल सुधार गृह। साथै, कीर्तिपुरस्थित सफलता एचआईभी शिक्षा सदनबाट चार जना एचआईभी संक्रमित विद्यार्थीले परीक्षा दिने व्यवस्था गरिएको छ।

परीक्षा तालिका

परीक्षा बिहान ८ बजे सुरु भएर ११ बजेसम्म सञ्चालन हुनेछ।

चैत ७ – अनिवार्य अंग्रेजी, संस्कृत वेदविद्या श्रमको अनिवार्य संस्कृत, मदरसातर्फ अनिवार्य अरबी भाषा
चैत ८ – अनिवार्य नेपाली, गैरनेपाली विद्यार्थीहरूका लागि इलेक्टिभ इङ्ग्लिस
चैत १० – अनिवार्य गणित
चैत १२ – अनिवार्य विज्ञान तथा प्रविधि, संस्कृतका विभिन्न विषय
चैत १३ – अनिवार्य सामाजिक
चैत १४ – ऐच्छिक प्रथम
चैत १५ – ऐच्छिक द्वितीय

नतिजा र लक्ष्य

यस वर्ष पनि परीक्षाको नतिजा लेटर ग्रेडिङ प्रणालीमा सार्वजनिक गरिनेछ।

परीक्षा नियन्त्रण कार्यालयले उत्तीर्ण दर ७० प्रतिशत पुर्याउने लक्ष्य राखेको छ, जुन २०८० सालमा ४८ प्रतिशत मात्र थियो।

 

धरान कै उत्कष्ट ब्रिज कोर्स र नर्सिङ तयारी केन्द्र

छाल खवर धरान,२० चैतः व्रिज कोर्ष र विएस्सी नर्सिङ प्रवेशको तयारी गराउने शैक ...

हिविस्कस वोडिङ स्कुलले यस वर्षदेखि पुस्तक विहिन कक

छाल खवर धरान,१८ चैतः हिविस्कस इङ्लिस वोडिङ स्कुल धरान–१५ ले यस वर्षदे ...

काठमाडौँमा भएको हिंसात्मक आन्दोलन लोकतन्त्रमाथिको

छाल खवर धरान,१८ चैतःकोशी प्रदेशका मुख्यमन्त्री हिम्मत कुमार कार्कीले काठमाड ...

महिला र बालबालिका सौन्दर्यकर्मी श्रमिकहरुप्रति सर

छाल खवर धरान,८ चैतः नेकपा एमालेका कोशी प्रदेश सदस्य मजदुर नेता भीम राई ज्वा ...

हङकङमा पहिलो पटक नेपाल फेष्ट हङकङ २०२५ हुँदै

छाल खवर धरान,७ चैतः एस अफ स्पेड्स इन्टरटेनमेन्टको आयोजनामा हङकङमा सांस्कृति ...

साना किसान कृषि सहकारिद्धारा कृषकलाई कृषि सामाग्र

छाल खवर धरान,५ चैतः साना किसान कृषि सहकारि संस्था लि.धरानले कृषकहरुलाई कृषि ...

Copyright © 2020 / 2025 - Chhalkhabar.com All rights reserved

Website By : Hash Tech Logic