रोजवर्ड मन्टेश्वरीको दशौं वार्षिक उत्सव सम्पन्न

छाल खवर
रोजवर्ड मन्टेश्वरी तथा ट्रेनिङ सेन्टर धरान–१६ को दशौं वार्षिक उत्सव सम्पन्न भएको छ ।

मन्टेश्वरी प्राङ्गणमा शनिवार एक समारोहका वीच सो कार्यक्रम सम्पन्न भएको हो ।

सो अवसरमा विद्यार्थीहरुले अभिभावकले साना नानीहरुलाई घरमा गर्नुपर्ने व्यवहार र उनीहरुलाई असल नागरीक वनाउनका लागि खेल्नुपर्ने पारीवारीक वातावरणका विषयमा नाटक समेत प्रस्तुत गरेका थिए ।

सो अवसरमा बालवालिकाहरुले विभिन्न गीतमा नृत्य प्रस्तुत गरी अभिभावकलाई मनोरन्जन प्रदान गरेका थिए ।

कार्यक्रममा खेलकुद तथा विभिन्न कृयाकलापमा उत्कृष्ट हुने विद्यार्थीहरुलाई कार्यक्रमका प्रमुख अतिथि धरान उपमहानगरपाकिलाका उपप्रमुख अइन्द्र विक्रम वेघाले विद्यार्थीहरुलाई पुरस्कृत गरेका थिए ।

प्रिप्राइमरीबाट उर्तीण भई कक्षा १ जान सफल भएका १३ जना विद्यार्थीहरुलाई दिक्षित गरीएको थियो ।

दिक्षित विद्यार्थीहरुलाई प्रमुख अतिथि वेघाले मेडल लगाएर पुरस्कृत गरेका थिए ।

कार्यक्रममा वेघाले विद्यार्थीहरुको उज्वल भविष्यको कामना गरेका थिए ।

मन्टेश्वरीमा १ सय भन्दा वढी विद्यार्थीहरु अध्ययनरत रहेको मन्टेश्वरीका निर्देशक राजेन्द्र गिरीले जानकारी दिएकाछन् ।

कार्यक्रममा आरोही कार्की र श्रीनिका ढुङ्गानाले गरेका थिए ।

कार्यक्रममा संचारकर्मी तिर्थ कार्कीले विद्यार्थीहरुको कला र प्रतिभाको प्रशंसा व्यक्त गर्दै उज्वल भवियको कामना गरेका थिए ।

मन्टेश्वरी संचालक दिपक घिमिरेले कार्यक्रमको संचालन गरेका थिए ।