सिदार्थ शिशु सदन स्कुलमा ६ विद्यार्थीहरुलाई उत्कृष्ट अवार्ड प्रदान

छाल खवर
धरान,३ वैशाखः सिदार्थ शिशु सदन,सिदार्थ मन्टेश्वरी धरान–१६ ले ६ जना विद्यार्थीहरुलाई उत्कृष्ट विद्यार्थी अर्वाड प्रदान गरेको छ ।

स्कुलले मंगलवार र वुधवार दुई दिवसीय कार्यक्रमको आयोजना गरी विद्यार्थीहरुलाई अर्वार्ड प्रदान गरेको हो ।

अर्वार्ड पाउने विद्यार्थीहरुमा आयन गेलाल,सुद्रिष्टी कार्की,आदित्य खड्का,सुप्रिया आचार्य,जोस्लीन हलुवाई र लेन्रु राई रहेकाछन् ।

उनीहरुलाई ट्रफि,प्रमाण–पत्र र मायाको चिनो प्रदान गरीएको थियो ।

सोही अवसरमा ३६ जना विद्यार्थीहरुलाई छात्रवृत्ति समेत प्रदान गरीएको स्कुलका निर्देशक विकास सोनीले जानकारी दिनुभयो ।

निर्देशक सोनीका अनुसार कक्षामा प्रथम हुनेलाई शतप्रतिशत, दोस्रो हुनेलाई ७५ प्रतिशत र तेस्रो हुनेलाई ५० प्रतिशत छात्रवृत्ति प्रदान गरीएको छ ।

विद्यार्थीहरुलाई पढाईमा प्रोत्साहन गर्नको लागि छात्रवृत्ति प्रदान गरीएको निर्देशक सोनीले वताउनु भयो ।

सोही अवसरमा नियमित कक्षामा उपस्थिति हुने विद्यार्थीहरु लगायतको पुरस्कार वितरण गरीएको थियो ।

कार्यक्रममा प्रि स्कुलबाट स्कुल प्रवेश गरेका ४० जना विद्यार्थीहरु दिक्षित भएका थिए ।

कार्यक्रमको सभापतित्व प्रिन्सिपल रिता प्रधानले गर्नुभएको थियो भने संचालन चन्द्रमाया लिम्वुले गर्नुभएको थियो ।

सिदार्थ शिशु सदनमा स्कुल र सिदार्थ मन्टेश्वरी समेत संचालनमा रहेको छ ।