भारतमा आतंकवादीद्धारा मारीएका न्यौपानेको धरानमा श्रद्धाञ्जली सभा

छाल खवर
धरान,१३ वैशाखः भारतको जम्मु काश्मिरको पहलगाममा आतङ्ककारी हमलाबाट भारीएका सुदिप न्यौपानको धरानमा श्रद्धाञ्जली सम्पन्न भएको छ ।

धरानमा रोटरी क्लव अफ धरान, रोटरी क्लव अफ धरान घोपा,रोटरी क्लव अफ फुटहिल्सको संयुक्त आयोजनामा सो कार्यक्रम सम्पन्न भएको हो ।

आमा र वहिनीका साथ कास्मिर घुम्न गएको समयमा आतङ्कवादीले सुदीप न्यौपानेको हत्या गरेका थिए ।

न्यौपाने बुटवल–१४ बेलबरियाका स्थायी वासिन्दा हुन । उनी शनिबारमात्र आमा, बहिनी र ज्वाइँलाई लिएर घुम्न गएका थिए । सुदीप परिवारका एक्ला छोरा हुन् । उनी धरानमा पब्लिक हेल्थ पढ्दै थिए ।

गत शनिबार आमा रिमा पाण्डे, बहिनी सुष्मा र ज्वाइँ उज्ज्वल काफ्लेसहित कश्मिर गएका बेला सुदीपमाथि बन्दूकधारीहरूले अचानक आक्रमण गरेका थिए ।

जम्मू कश्मिरस्थित पहलगाममा मंगलबार पर्यटकको समूहमाथि भएको आक्रमणमा उनी परेका थिए ।

बन्दूकधारीहरूको उक्त समूहले बाटोमा हिँड्दै गरेका सुदीपलाई ‘नाम र धर्म के हो’ भन्दै सोधेपछि एकाएक गोली हानेको थियो । साथमा रहेका आमा, बहिनी र ज्वाइँ सकुसल छन् ।

रोटरी क्लव अफ धरान घोपाका सचिव अतुल श्रेष्ठले घटना निन्दनीय र जघन्य अपराध भएको वताउनु भयो ।